Yelemiya 12:1 - Amazwi Yakwe Leza 2013

¹ Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Yelemiya 12:1 Iomraidhean Croise

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

Ezila 9:15

We Yawe, Leza wa ina Izlaeli, wemo wewe mololoke! Watuzumilizya kuti tuye nu umi. Acino twailongwela amaifyo itu kunuli. Tusi ni nsambu zya kwiza apa manso yako.”

Neemiya 9:33

Wemo wacita icilungame pa kutuvunuka. Wewe wacumi muli vino wacita, nanti angala swemo twifya.

Yobo 12:6

Alino tala mulole! Aivi na antu atamanya Leza, yene yakaikalila ukwaula nu wakuyasonsomba. Fwandi yene amaka yao ali Leza wao.

Yobo 13:3

Ali cino nemo inkulonda ukulanda sile nu Wamaka yonsi. A Leza mutupu, ali wino nkulonda ukuvwanga nawe.

Yobo 24:12

Umu musumba, unguvwa kuno antu yakung'onta nu kupumbuka. Limwi unguvwa na kuno antu yano yatiyalasa yakuteta. Nupya kusi nanti umwi angasakamala, nu kuyuvwila uluse lino yakumupapata.

Yobo 24:23

Limwi nalyo Leza akaleka antu kwene yayo aipe, yaikalile ku matwi cele, ala ukuya kwene amanso yakwe, asumvile sana kunoyali nu kupeketa imipitile yao yonsi.

Yobo 8:17

Imisisi yakwe kalolo ikapombelezya uku mutumba wa mawe, nga iyandatila uku mawe kwene yayo.

Masamu 116:5

Yawe waya ni nkumbu nupya umusuma, ala Leza witu waya nu luse wakwe cimwi.

Masamu 119:137

Wewe kacita wa vyaololoke, we Yawe, na masunde yako acumi.

Masamu 119:75

We Yawe, namanya ukuti upinguzi wako uwa ulungi, nu kuti wamvunwike pano wewe wacumi.

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Masamu 37:1

Citakusakamika apa uyi wa antu aipe, utauvwa uzuwa kuli yakaluvyanya.

Masamu 37:35

Naweni umuntu mwipe uwaitankanga, nu kuitongamika papela kwati umukelide uwaku Lebanoni.

Masamu 51:4

Nemo naifya kunuli awewe sile wenga, awewe naifya, nu kucita ivintu iviipe kuli wewe. Icacumi walungika wakwe cimwi apakunkalipila, walungika apa kumpingula nu kumpela umulandu. Usifyenga umuntu mu upinguzi wako.

Masamu 51:6

Pamulandu wakuti watemwisya ulungi uwamu mwenzo, sokolola kunondi uwile wamano yako.

Masamu 92:7

icakuti antu aipe nanti yangavula uli wi sote, ni ntalanganyi nazyo nanti zingasyuka uli, awe yene yonsi yalalowelela pyu.

Mapinda 1:32

Pano ukupumboka kwa mbulwamano kukayaletela imfwa, nga nu kuzenzemba kwa viwelewele kukayatwala sile ukwilovyo.

Kasambilizya 8:14

Lelo kwene umu nsi ii mwaya ukuicuzya sile. Silolini ivikacitika umu nsi ii. Limwi antu akacita vyaololoke yakavunukwa na antu aipe alino antu aipe nayo yapokelela icilambu ca antu akacita vyaololoke. Nemo nkuti cii, icasilesile.

Ezaya 41:21

Yawe Leza wa ina Izlaeli akuti, “Mwe tuleza twa mitundu, aleni letini imilandu inu uku cilye. Izini muilondolwele mwenga pano mutemilwe!

Ezaya 48:8

Nemo namanyile ukuti mwemo musi antu akutaila, pano kwene ukufuma sile pano mwavyalilwe, mwemo mwamanyika ningo ukuti mwemwe yacisanguka. Uli mulandu kwene uno mutatala muvwila ivintu vii. Ali cino na mazwi kwene apa vintu vii yatatala yuvwika kunomuli.

Yelemiya 11:20

Alino lyene nani impepa kuli Yawe inti, “Iye we Yawe Wamaka yonsi, wewe Mwene wino akalungika pa kuputula imilandu. Wemo ukaceceta vino antu yakwelenganya na vino yakuuvwa mu myenzo yao. Leka nemo indoleko kuno ukulandula pa antu yaa, pano nemo umulandu uu natuula kunuli.”

Yelemiya 12:6

Ala na anyonko kwene amu lupwa lwako nayo yalakutazyela. Yene yaluminkana ni umba ililiza ku kukulwisya. Acino fwandi utayalondelezya nanti angala yakuvwanga amazwi yakwe ucuza.”

Yelemiya 3:20

Lelo wemo wansangukila, we ng'anda yakwe Izlaeli, ndi vino umwanaci umutalami akasangukila iya.” Ivyalanda ne Yawe.

Yelemiya 3:7

Nemo ne Yawe nelenginye ukuti apacisila cakucita vivyo vyonsi wene alaweluluka kunondi, lelo atacita cico. Na Yuda kwene kaci wakwe, cizelele muze waciweni cico.

Yelemiya 32:16

Apacisila cakupeela Baluki, mwana Nelya, kalata wakukalilapo icalo, alino lyene napefile inti,

Yelemiya 5:11

Aina Izlaeli na ina Yuda yansangukila wakwe cimwi. Ivyalanda ne Yawe.”

Yelemiya 9:2

Lelo kwene ningatemwisya ukuzanako incende imwi umu lwanga, ukwakuti ningaya apakuti mfuntuke ku antu yane, Pano yonsi sile yatalama, nupya yene iuvi lyakwe yacisanguka.

Nyimbo zya ndosya 1:18

“Lelo Yawe walungika, pasi pano natalamile amasunde yakwe. Munguvwwe mwe antu mwensi. Lolini vino nkuwaikwa. Alumendo na akazyana yane yasendwa umu uzya.

Ezekelo 18:25

“Lelo mwemo mukavwanga muti, ‘Ivikacita Yawe awe vitalolamo.’ Uvwini kuno mwe, mwe ina lzlaeli. Fwandi mwemo mukati musango uno nemo nkacitilamo ivintu utalolamo. Ala awe, imisango inu ali ino italolamo.

Danieli 9:14

Wemo we Leza witu waiteinye ukutuvunuka, nga nu kucita wacisile cico, pamulandu wakuti lyonsi kwene ukacita vyaololoke, nupya swemo tutakutezizye.

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Oseya 6:7

“Lelo antu yayo yavuna upangano wane ndi vino Adamu wacisile. Kuku kwene, yene yatali acumi kunondi.

Habakuku 1:4

Caleka amasunde yatacikweti amaka, nu ulungami utakweti incito awe. Antu aipe yakafyenga antu asuma, caleka ulungami wavulunganyiziwa.

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Malaki 3:15

Lelo swemo twalola ukuti antu acilumba alio yali nu longo. Cumi kwene yakacita ya nkota alio yakaikala ningo, nupya yakaezya Leza uku vicitwa vyao. Lelo wene akayata sile.”

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.