Yelemiya 1:16 - Amazwi Yakwe Leza 2013

¹⁶ Ndakalipila antu yane nu kuyapingwila uyi uyi apa kwifya kwao. Yene yatiyansangukila, yakocela tuleza tuze ubani nu kupepa ivicitwa vya minwe yao.

Yelemiya 1:16 Iomraidhean Croise

2 Yamwene 22:17

Nemo yansangukila nupya yakupeela ni mpolelwa ku tuluwi. Akuli kuti yene yansosya umwenzo apa vicitwa vyao iviipe. Nasokela aikazi amu Yelusalemu, nupya ntalatala mbwezye umwenzo.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

2 Milandu 28:2

Wene wacitanga ivintu iviipe kwati sile ivyacitanga yamwene aku Izlaeli nu kupanga utuluwi twakwengulula utwakuomvya pa kupepa tuleza Tubaali.

2 Milandu 34:25

Nemo yansangukila, yatandika nu kocela tuleza tuze ubani. Yene yansosya umwenzo pali vyonsi vino yacita. Nani ne Yawe nasokela aina Yelusalemu nupya ntalezya nu kuwezya umwenzo.

2 Milandu 7:19

“Lelo ndi cakuti wewe na antu yako mwakana ukulondela amasunde yano namupeela, nu kuya ku kutumikila nu kupepa tuleza tuze,

Ezaya 2:8

Utuluwi mu mpanga yao twatituvulisya, lyene yakufukamila imilimo yao, aino yakupepa, yakufukamila ni vintu vino yaipangila ku minwe yao.

Ezaya 37:19

Twalola na vino yakaoca utuluwi tuleza twao, icakuti mucumi asi tuleza foo. Ivinkolanya vino aeneco yaipangila uku vimuti nu ku mawe, uku minwe yao.

Ezaya 44:15

Uku cimuti icili cimwi kwene, umuntu angaputulako ulukwi ulwa kupembelako umoto. Cimwi naco awazilako akaluwi. Wene angaputulako ulukwi ulwakoota na lumwi ulwakocelako umukate. Alino cino casyala naco aputule icakuwazilako akaluwi kaleza akano apepa nu kupepa. Wene akapanga akaluwi nu kukafukamila.

Ezaya 65:3

Yene yakansonsya umwenzo ku mufulo sile. Impolelwa zyao yene yakazituulila pa tuvuwa, twa antu yano yatamanya, tuno yakakuula mu vyalo vyao, ali muno yakafutumwila nu ubani.

Yelemiya 10:15

Twene utwaciwelewele sile nupya twasuulwa. Lino antu yayo yalapingulwa, ali lino twene tulononwa.

Yelemiya 10:3

Pasi pano intambi zya mitundu yuze, izyasilesile. Yene yakakoma imiti mu mutengo, alino kawaza nawe auwaza ku makasa yakwe ni mpato.

Yelemiya 11:12

Lyene antu amu Yuda nu mu Yelusalemu yamayanga kuli tuleza tuno yakaocela impolelwa. Lelo kusi nanti cimwi cino tulayazwilizya lino uzanzo wayaponela.

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Yelemiya 15:6

Mwemo mwankana. Mwemo mwamfutatila. Ali cino natimutambalikila ikasa lyane apa kumonona. Natintoonta nu kwelela.

Yelemiya 16:11

Lyene uce uyanene vino Yawe wavwanga wati, ‘Apamulandu wakuti ivikolwe vinu vyantazyezile nu kulondelela tuleza tuze, yatutumikilanga nu kutupepa.’ Yene yantazyezile nupya yatawasile amasunde yane.

Yelemiya 17:13

Mwene, wewe uli upalilo wa ina Izlaeli. Yonsi yano yakutazyela yalazewana, na yano yakusangukila yalatenulwa muno nsi, pamulandu wakuti yatayela Yawe intulo ya manzi ya umi.

Yelemiya 18:15

Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Yelemiya 2:17

Uzye asi mwemwe mwenga mwalenga cico, apamulandu wakufutatila Yawe Leza winu, apacisila cakumutungulula umu nzila yampomvu?

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 2:28

Tuleza tuno wapanzile we mweneco tuli kwi? Leka tukatuke, tulole ndi cakuti tungakutuula umu nsita ya ntazi zyako, pano kwene tuleza twako, we Yuda, awe cumi twavulisya. Caya sile icili conga ni misumba yako pamwi nu tuvuwa twakwe Baali. Kwati sile imiseo yamu Yelusalemu.

Yelemiya 4:12

Umuza uo uno ukwiza api lamulo lyakwe Yawe, wene ulaya ukome ukuluta. Yawe umwisikulu aliwe akuma imbila ya uputuzi pa antu yakwe.

Yelemiya 4:28

Calenga ukuti impanga ilalila iyoyomba, nu kwiyulu kulafita fititi, pamulandu wakuti ne Yawe natimvwanga, nupya natimpanga ukucita cico kwaula kufutuka.”

Yelemiya 44:17

Swemo tumatwalilila ukucita vino twalaya. Tumaocelanga namwene wa mwiyulu ubani. Tumamupongolwelelanga na mawila ya vyakumwa. Vivi kwene sile vino twacitanga sweisikulu, ivikolwe vitu, yamwene itu, intunguluzi zitu, ndi vino antu yacitanga mu misumba yamu Yuda nu mu miseo yamu Yelusalemu. Pano lilyo lyene twakwatanga vyakulya ivivule, twayanga nu longo nupya ni syamo litatuponelanga, awe.

Yelemiya 5:29

Yawe walanda wati, “Uzye ntange njavunuke pa vintu vii? Uzye kwene ntange njilandwile pa luko lwa mwata ndi uu?

Yelemiya 5:9

Uzye kwene mwati ntalayavunuka apa vintu vii vyonsi nu kucita icilanduzi pa antu amu luko ululi ndi luu? Ivyalanda ne Yawe.

Yelemiya 51:17

Icintu cico cikazungula antu yonsi nu kuyapezya amano. Musyanyi wensi wino akasula ivyela, insonyi zimulema pamulandu wakuti tuleza tuno akapanga utwaufi nupya tusi nu umi.

Yelemiya 7:17

Uzye utakulola ivintu vino yakucita mu misumba yaku Yuda nga nu mu misolo yamu Yelusalemu?

Yelemiya 7:18

Ana yakasweya inkwi, yaisi nayo yapemba umoto, anaci nayo yakandila umunya wakupangila namwene wa kwiyulu yakeke. Nupya yene yakapongolwela uwila wakwe waini kuli tuleza tuze apakuti yansosye.

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Ezekelo 16:18

Nupya watolanga insalu zyako izipikulwe, nu kuvizwika. Nga alino utula kuno vili amafuta yane nu ubani wane.

Ezekelo 24:14

Ne Yawe Simwandalali nalanda. Insita yatifika yakuti incicite. Insikuta sile foo, nupya nsikukutezela nanti ukuvwa uluse, awe. Wemo namakuvunuka pa vicitwa vyako. Ivyalanda ne Yawe Simwandalali.”

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Milimo 7:41

Lyene yapanga akaluwi mu musango wakwe cipambasi wa ng'ombe, yapela impolelwa kuno kali, nga yacita ni cimulo cakuzevya milimo yaku makasa yao.

Malango 28:20

“Ndi cakuti mwacita iciipe mwasangukila Yawe, ale lyene alamuponyezya uzanzo, ni cimvulunganya, nga ni ntazi muli vyonsi vino mulacita, mpaka lyene muce mulowe pyu.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Yoswa 24:20

Ndi mwafutatila Yawe nu kutumikila tuleza tuze, nawe alamusenuka alete nu uzanzo panomuli nga amulovye, nanti angala wene wamucitilanga ivisuma.”

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.