Yakapingula 3:2 - Amazwi Yakwe Leza 2013

² Yawe wacisile cico pamulandu wa kusambilizya cila nkulo zya ina Izlaeli ivya kulwa inkondo, makamaka kuli yao atamanyile vino yalwanga ku mpiti.

Yakapingula 3:2 Iomraidhean Croise

Utandiko 2:17

lelo utakalye iviseekwa vyaku muti uno ukapeela amano akumanya visuma ni viipe. Pano uwanda kwene uno ulalyako, ulafwa.”

Utandiko 3:5

Pano Leza wamanya vino uwanda uno mulalyako iviseekwa vivyo mulalingana na aliwe nu kumanya visuma ni viipe.”

Utandiko 3:7

Lilyo kwene lino yalya iviseekwa vyaku muti uwo, yapeelwa kumanya nga yiluka ukuti yali tupu. Acino yasuminkanya amafwa ya musamvu iyaindizya mu misana yao.

2 Milandu 12:8

Nga lelo ukuyacimvya kwene alinzile wayacimvya, apakuti yailolele ulekano uwaya apakutumikila ne Yawe na yamwene amu mpanga zya inamasi.”

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

1 Timoti 6:12

Lwisya ulwi usuma wa kusunga utailo, kuti uilonkele umi wape. Pano ku umi uu akuno Leza wakwamile lilyo lino wemo kwaula kutwisika waizumilile utailo wako pa manso yakwe yakambone aingi.

2 Timoti 2:3

Toola imbali yako mu kucula wa musilika uwakutailwa wakwe Klistu Yesu.

2 Timoti 4:7

Nemo nalwisya ningo mu kusimula, nupya nene wakutailwa.

Yakapingula 3:1

Zii zili nko zino Yawe wasile kuti zyaezya aina Izlaeli, yao atamanyile ivya kulwa inkondo pa nkondo izyacitike mu Kenani.

Yakapingula 3:3

Yao asile mu mpanga ilya yali aikazi amu misumba isano ya ina Filisti, na ina Kenani yonsi, na ina Sidoni, na ina Hivi aikalanga mu myamba yaku Lebanoni. Ukutandikila lwaku Mwamba wa Baali Helimoni ukufika pa wingililo wa Lebo Hamati.