Yakapingula 17:5 - Amazwi Yakwe Leza 2013

⁵ Lyene umuntu wi Mika wakweti icifulo cakwe icakupepelapo, nga wapanzile ni cakuzwala ca efodi nu tuluwi nga aika umwana wakwe umwi pali usimapepo.

Yakapingula 17:5 Iomraidhean Croise

Utandiko 31:19

Insita ilya Labani walanga wapita ku kusenya imfwele mavumbu, na lino atalipo Lakeli asyala aiya tuleza tuluwi twamu ng'anda mwakwe Labani, isi.

Utandiko 31:30

Nimanya mulandu uno wapitila, ukulondesya kuwela kumwinu. Lelo, uzye pacani cino wangiila tuleza twane?”

1 Yamwene 12:31

Nupya Yeloboamu wiyo ali pa kukuula ni ncende zino yakapepela mwenemo papela ya mwamba asolola na yasimapepo atali amu mupanda wakwe Levi.

1 Yamwene 12:32

Alino Yeloboamu wateinye uzevyo pa wanda uwalenga ikumi na yasano mu mwezi wakwe cinani, ukulingana nu wanda uno yateinye ku Yuda, nga apeela ni mpolelwa pa kavuwa. Wacisile ivintu vii ku Betele, ala akupeela impolelwa ku twana twa ng'ombe utuluwi twakwe zaabu tuno wapanzile. Nupya ku Betele kuko aikako na yasimapepo akutumikila pa ncende zino yakapepela mwenemo zino wakuula.

Ezila 1:7

Ukulunda pali cico, umwene Kilusi ayawezezya ni viya vyonsi ivyamutengo, ivyali mu Ng'anda ikulu yakwe Yawe, vino Nebukadineza wasenzile ukufuma mu Yelusalemu, nu kwiza viika umu ng'anda ikulu yakwe tuleza twakwe.

Kufuma 24:5

Lyene atuma aina Izlaeli alumendo, iyaya yapeela amawila akocela Yawe. Iyafyula tucipambasi nu kupeela uwila wa utandano kuli Yawe.

Kufuma 28:15

Yawe anena Mose ati, “Uleke yasumile Simapepo Mukulu cakuzwala ca pacisao cakumanyilako ukulonda kwakwe Leza, ciye icipikulwe usakausaka, ciye wa mipangilwe ya cakuzwala ca efodi. Cili nu kupangwa na zaabu nga ni insalu ya cifungo, iyenzu nga na yakwe bafuta mutelepe mupangwe ningo.

Kufuma 28:4

Vyakuzwala vino yali nu kusuma aivi. Cakuzwala ca pacisao, cakuzwala ca efodi, mwingila, ikoti lyapetwa mumbali ningo, tulibani wakuzwala ku mutwe nga nu musipi wa nsalu. Yasume vyakuzwala vya usimapepo vya munyonko Aaloni nga ni vya ana yakwe, pakuti yangatumikila wakwe yasimapepo.

Kufuma 29:9

Nupya uyazwike ni cisote ca ucindami nga na tulibani Mu musango uu yaya yalaya ayasimapepo yane pakulondela ilamulo lyane lya manda pe. Mu musango uu ali muno umapaatwila Aaloni na ana yakwe aonsi.

Ezaya 44:13

Kapala wa mbao nawe akapima imbao. Alino asila ivisilwa uku cilembelo. Lyene atandika ukuwaza ni viombelo vyakwe ukulondela muno walasizile ivisilwa. Asuka awaza akaluwi akakolanya ku muntu nu kuyemba kwakwe ukwa kulingana ukwikala mu ng'anda yakwe ya mapepo.

Ezekelo 21:21

Pano umwene waku Babiloni wataimilila pa masansa ya nzila ziili, akupendola pakuzulunzya inceto, akuuzya nu tuluwi twakwe nu kuceceta itima lya nyama ino yafyulile utuluwi.

Ezekelo 21:26

Ne Yawe Simwandalali avino nalanda. Ale lyene zula icisote cako ca wene, ni cisalu cico cino upomvile ku mutwe cizule. Ee, ivintu vyonsi lyene vyasenuka. Alanda lyene ayano kayateeka! Yakateeka kayaye alanda!

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Oseya 8:14

Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Mpendwa 3:10

Ali cino uce uwasonta sile Aaloni na ana yakwe ukuomba umulimo wa usimapepo. Muze wino alezya ukuomba umulimo uwo alinzile kukomwa.”

Ayebulai 5:4

Kusi umwi akaisolwela kupelwa mucinzi wa kuya Simapepo Mukulu. Suka sile waamwa na Leza, wakwe vino Aaloni wamilwe.

Yakapingula 17:4

Acino awezezya nyina impiya zizi zyakwe siluva, nga nawe atoola impiya zyakwe siluva ukulingana imyanda iili apeela yasimusyanyi, nga nayo iyazisungulula nu kupanga ukolanya na kaluwi. Alino iyavika mu ng'anda yakwe Mika.

Yakapingula 18:14

Lyene aonsi yalya yasano yano yaile iyendezya impanga ya Laisyi iyanena aina yao yati, “Uzye mwamanya ukuti umu ng'anda imwi pa ng'anda zii mwaya cakuzwala ca efodi, akaluwi akawaze kano yengelelako siluva? Nupya mwaya utuluwi tuze. Lyene elenganyini vino tulinzile ukucita.”

Yakapingula 18:24

Nawe aasuka ati, “Mwatimunsendela tuleza twane tuno naipangila nemwisikulu nupya mwatimunsendela simapepo wane, imupita. Lyene nemo insile minwe. Uzye lyene munganguzya uli muti, ‘Uzye icani icakusakamika?’ ”

Yakapingula 18:30

Kuku kwene akuno amu mutundu wakwe Dani yimika tuluwi twao, nga Yonatani umwana wakwe Gelisyomu, umwana wakwe Mose, pamwi na ana yakwe yali a yasimapepo atumikilanga umutundu wakwe Dani ukufika na lino yizile iyasendwa mu uzya.

Yakapingula 8:27

Zaabu kwene wiyo awino Gidyoni wapangileko efodi, nga amuika mu musumba wa Ofula, umusumba wakwe. Aina Izlaeli yonsi iyafutatila Yawe iyatandika ukuya kuku ku kupepa akaluwi kaka. Icintu cii lyene iciya iciteyo kuli Gidyoni na amu ng'anda yakwe.

1 Samueli 19:13

Alino Mikala atoola iciluwi nga acilalika pa musanzi, aika nu musamilo ku mutwe uwapangilwa na mavumbu ya mbuzi, nga acivimba ni nsalu.

1 Samueli 23:6

Lino Abyata umwana wakwe Aimeleki utwike aya auminkana na Davidi ku Keila, wene wasenzile ni cakuzwala ca efodi.