Yakapingula 13:8 - Amazwi Yakwe Leza 2013

⁸ Manoa pali pakupepa kuli Yawe, ati, “Napapata, we Yawe, sungaleka umuntu wakwe Leza wino waliwamutuma aize nupya kuli sweswe, pakuti atusunde vino tulinzile kucitila umulumendo wino alavyalwa.”

Yakapingula 13:8 Iomraidhean Croise

Yobo 34:32

Unsambilizye ivintu vino nsikulola. Ndi cakuti naluvyanya, nalaya ukuti ntalaswilizya nupya.

Milimo 9:6

Lelo katuka ingila mu musumba, amuno umanenwa cino ulinzile kucita.”

Yakapingula 13:11

Manoa akatuka lili kwene nu kulondelela umuci. Lino wiza apali umuntu wilya, amuuzya ati, “Uzye awewe wino mwalandine nu muci wane?” Alino nawe aasuka ati, “Anene kwene.”

Yakapingula 13:3

Umungeli wakwe Yawe aloleka kunoli nga amunena ati, “Wewe ng'umba utakwata umwana, nga lelo ulasenda indilwa nu kuvyala umwana.

Yakapingula 13:6

Lyene umwanaci wilya apita aya anena iya wakwe ati, “Umuntu wakwe Leza umwi wali wiza kunondi. Imilolekele yakwe ikoline ni ya mungeli wakwe Leza, iyakoofya wakwe cimwi. Ntamuzizye kuno afumile, nanti aliwe atanenyile izina lyakwe.

Yakapingula 13:7

Lelo wali wanena wati, ‘Ulasenda indilwa nu kuvyala umwana umonsi. Ukufuma pali ndakai utakezye ukumwa waini nanti ivili vyonsi ivikakola. Nupya utakalye icili consi icikowele, pamulandu wakuti umulumendo wiyo alaya umwina Nazili, uwapaatwilwa Leza ukufuma ku kuvyalwa kwakwe kufika na pa wanda wa kufwa kwakwe.’ ”

Yakapingula 13:9

Leza auvwa ipepo lyakwe Manoa, nga nu mungeli wakwe Leza nupya aiza ku mwanaci wilya lino atenzi mu calo. Lelo iya wene atali nawe.