Umbwilo 9:17 - Amazwi Yakwe Leza 2013

¹⁷ Mu cilolwa cino nakweti naweni imfwalasi pamwi na yao akwezilepo, yene yazwite vicingo vya vyela pa vifuwa vyao vyalolike viyenze wa moto, vifitulukile wa mfisya nupya wa mitulwatulwa. Mitwe ya mfwalasi izikoline wa mitwe yakwe yacisama, nu mu milomo yaziko mwafumanga umoto, icunsi, na maluti.

Umbwilo 9:17 Iomraidhean Croise

Utandiko 19:24

Yawe aponya makala ya moto wakwe pali Sodoma na Gomola.

1 Milandu 12:8

Asilika yamwi alumbuke ukufuma mu mutundu wakwe Gadi yuminkana ni vita vyakwe Davidi, lino wene wali kwi cele lyakwe uku lwanga. Vyali ivita vimwi ivyamanyile ukulwa inkondo umu kuomvya amasumo ni visyangu. Yali akalale sana mu milolekele ngati a yacisama. Alino yali acincile wakwe yampombo amu myamba.

Masamu 11:6

Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezekelo 33:22

Amanguzi yalya lino umuntu wiya atatala wiza, ala amaka yakwe Yawe yatiyiza munondi. Lino umuntu wiyo wafisile akatondo, wazanyile Yawe watansapula ululimi, na uciulu wane ala watiusila mpiti.

Danieli 8:2

Umu cilolwa cici naizanyile ala indi mu musumba wa malinga uwa Susa, mu muputule wa mpanga ya Elamu. Naimi umu nkumba ya luzi lwa Ulai.

Danieli 9:21

Lino ncili nkupepa, Gabilieli, wino naweni mu cilolwa ca nkolelo, afuma akupapuka aiza pano nali. Yali insita yakupeela impolelwa ya manguzi.

Umbwilo 11:5

Umuntu umwi ndi wezya kucisa yakambone yaa yaili, umoto ulafuma mu milomo yao nu konona anisi yao. Mu musango uli onga kwene, wensi alezya kuyacisa wene alakomwa.

Umbwilo 14:10

wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 21:20

ni lyalenga yasano a Aniki. Lyalenga mutanda a kaneli, lyalenga cinimbali a kwoti, ni lyalenga cinani a belulo, lyalenga fundimbali a topazi, lyalenga ikumi a kakedoni, lyalenga ikumi na lyonga a tukoizi, ni lyalenga ikumi na yaili a ametusto.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 9:18

Ciputulwa conga mu viputulwa vitatu vya antu amu nsi cakomilwe ku vilumbelo vitatu. Ni vilumbelo vii, umoto, cunsi, nga na maluti vino vyafumanga mu milomo ya mfwalasi.

Umbwilo 9:9

Pa vifuwa vyao ponsi pali mamba alolike wa vicingo vya cela. Ukulila kwa mapa yao kwali wi zwi lya maceleta aingi akutintwa ni mfwalasi izikusimwila ku ulwi.