Umbwilo 8:9 - Amazwi Yakwe Leza 2013

⁹ Ciputulwa conga ca mu viputulwa vitatu vya viumbwa vyaumi ivya muli yemba naco cifwa, nga ni ciputulwa conga mu viputulwa vitatu vya mato akulu cononwa.

Umbwilo 8:9 Iomraidhean Croise

Masamu 48:7

ungati avino umuza ukafuma uku ufumondaka, ukaonona ivyombo vyaku Tasyisyi.

Kufuma 7:21

Inswi zyamu luzi zifwa, nga lununka cuze cakuti aina Eguputo yatamwilemo amanzi. Mu Eguputo monsi imuya uwazi.

Ezaya 2:16

Ali wanda uno ulauunzya ivimawato vyonsi vyaku Alabya ivikasimulisya apa luzi.

Ezaya 23:1

Amazwi asowilwe pamulandu na Tuli. Pongomokini mpooma mwe yano mukapitila umu vyombo vyaku Tasyisyi! Pano umusumba winu uwa Tuli wati wononeka, usile sile ukwaula ing'anda nanti cilalo! Lino amato inu yamawelulukanga ukufuma uku Saipulasi, mumauvwanga umulandu uo.

Zakaliya 13:8

Yawe Wamaka yonsi wavwanga wati, “Alino mu mpanga yonsi apa vipande vitatu vya antu, palakomwa vipande vili. Lelo mulasyala icipande conga.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Umbwilo 12:4

Cene caomvizye musinda pa kukuwa ciputulwa conga mu viputulwa vitatu vya ntanda, icizifumya mwiyulu nu kuzisumba pano pansi. Cizoka cii caimi nkolelo ya mwanaci pakuti cilye umwana wakwe zuwazuwa lino wavyalwa.

Umbwilo 16:3

Nupya mungeli wakwe ciili nawe apongolwela vyamu lweso lwakwe muli yemba. Alino manzi yaya wa wazi wa muntu mufwe, nga ni ciumbwa consi ca muli yemba icifwa.

Umbwilo 8:10

Alino mungeli wakwe citatu alizya ntandala yakwe. Lutanda lukulu cuze luno lwakanga kwati inyali nalo lupona kufuma mwiyulu, nga luponela pa ciputulwa conga mu viputulwa vitatu vya nguzi nu tufukoka twa manzi.

Umbwilo 8:12

Alino mungeli walenga yani alizya ntandala yakwe. Ciputulwa conga ca mu viputulwa vitatu vi lanzi, mwezi ni ntanda vyumwa, cakuti vyene viponzya ciputulwa conga mu viputulwa vitatu vya kuwala kwakwevyo. Lyene kutali luswepo mu ciputulwa conga ca viputulwa vitatu vya musanya nu usiku.

Umbwilo 8:7

Mungeli wakwe conga alizya ntandala yakwe. Alino kwiza imvula ya citalawe nu moto uminkana nu wazi, ipongoloka pano pansi. Lyene ciputulwa conga mu viputulwa vitatu vya nsi cipya, ni ciputulwa conga mu viputulwa vitatu vya miti, nga na mafwa ni sote lisi vyonsi vipya.

Umbwilo 9:15

Caleka angeli yasapulwa. Pano pali aawa kwene wilya, pa wanda ulya, mwezi nga nu mwaka ulya, Leza wayateyanyizizye kukoma ciputulwa conga mu viputulwa vitatu vya antu onsi.

Umbwilo 9:18

Ciputulwa conga mu viputulwa vitatu vya antu amu nsi cakomilwe ku vilumbelo vitatu. Ni vilumbelo vii, umoto, cunsi, nga na maluti vino vyafumanga mu milomo ya mfwalasi.