Umbwilo 8:11 - Amazwi Yakwe Leza 2013

¹¹ Lutanda luu, izina lyaluko yakati, “Ukulula.” Ciputulwa conga mu viputulwa vitatu vya manzi caluzile na antu aingi yano amwileko manzi yaa yafwile pano manzi yasenwike yaya alule.

Umbwilo 8:11 Iomraidhean Croise

Kufuma 15:23

Lino yafika pa cifulo ci zina lyakuti Mala iyazana amanzi, lelo ala alule cakuti muntu atangamwa. Acino yatemela cifulo cici yati, Mala.

Mapinda 5:4

Lelo impela yaviko yawaya nu kukalipisya wa ngweko, yakalipa wa lupanga ulunyolwe konsi konsi.

Yelemiya 23:15

Caleka Yawe Wamaka yonsi wavwanga pamulandu wakwe yakasema amu Yelusalemu wati, “Ndayapeela umusalu ulule kuti yalye nga nu mwavi kuti yamwe, pamulandu wakuti ukufuma kuli yakasema yaya amu Yelusalemu ivicitwa viipe vyativisansantikila mu mpanga yonsi.”

Yelemiya 9:15

Acino wemo unguvwe, uvwe vino namacita ne Yawe Wamaka yonsi, Leza wa ina Izlaeli. Namaliisya antu yane ivilule, namayamwesya na manzi umuli sumu.

Nyimbo zya ndosya 3:19

Akula nelenganya vino nkucula na pali vino nkuzeuluka, awe cumi nu ku mwenzo kuleta umuselu cakuti nalonda nu kuluka.

Nyimbo zya ndosya 3:5

Wene wanjalile umu ng'anda yaminyololo, mumo umwaya amalanda nu kulilizika.

Amosi 5:7

Kalanda kunomuli mwemuno mukanyonganika ulungami, mwemuno mukakonya vyaololoke.

Amosi 6:12

Uzye pa mawe imfwalasi zingasimulapo? Uzye pali yemba umwi angalimapo ni ng'ombe? Lelo mwemo mwasenula ulungami waya a sumu, nga ni vyaololoke vyonsi mwavicita ivyakutitikizya nu kuzunya antu.

Zakaliya 13:8

Yawe Wamaka yonsi wavwanga wati, “Alino mu mpanga yonsi apa vipande vitatu vya antu, palakomwa vipande vili. Lelo mulasyala icipande conga.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Malango 29:18

Mwensi mwemuno muli pano ilelo musininkizye ukuti pataya umonsi, nanti umwanaci, nanti amu ng'anda imwi, nanti umutundu uwakufutatila Yawe Leza witu nu kupepa tuleza twa nko zizi zyuze. Cico cikoline wa musisi waulembe uno ungalemuka nu kukola antu ndi yaulya.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

Umbwilo 12:4

Cene caomvizye musinda pa kukuwa ciputulwa conga mu viputulwa vitatu vya ntanda, icizifumya mwiyulu nu kuzisumba pano pansi. Cizoka cii caimi nkolelo ya mwanaci pakuti cilye umwana wakwe zuwazuwa lino wavyalwa.

Umbwilo 8:7

Mungeli wakwe conga alizya ntandala yakwe. Alino kwiza imvula ya citalawe nu moto uminkana nu wazi, ipongoloka pano pansi. Lyene ciputulwa conga mu viputulwa vitatu vya nsi cipya, ni ciputulwa conga mu viputulwa vitatu vya miti, nga na mafwa ni sote lisi vyonsi vipya.

Umbwilo 9:15

Caleka angeli yasapulwa. Pano pali aawa kwene wilya, pa wanda ulya, mwezi nga nu mwaka ulya, Leza wayateyanyizizye kukoma ciputulwa conga mu viputulwa vitatu vya antu onsi.

Umbwilo 9:18

Ciputulwa conga mu viputulwa vitatu vya antu amu nsi cakomilwe ku vilumbelo vitatu. Ni vilumbelo vii, umoto, cunsi, nga na maluti vino vyafumanga mu milomo ya mfwalasi.

Luti 1:20

Nawe ayanena ati, “Mutangama imuti Naomi. Lelo mwangama imuti Mala, pamulandu wakuti Leza Wamaka yonsi watalenga umi wane ukuya uwa ulanda wakwe cimwi.