Umbwilo 7:17 - Amazwi Yakwe Leza 2013

¹⁷ pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”

Umbwilo 7:17 Iomraidhean Croise

Masamu 22:26

Apina yalalya pano yatemilwe aeneco, na yano yakalonda Yawe nayo yalamulumbanya. Si angala yaye nu longo amanda pe!

Masamu 23:5

Wemo ukanjimula pa manso ya anisi yane. Ukampaka na mafuta uku mutwe wane, nu lwako lwane iluzula nu kusambela!

Masamu 28:9

Tuula antu yako, polelela umutundu wako. Uwa yatungulula nu kuyasunsa pa maye lyonsi.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Ezaya 25:8

Lilyo ala wataonona ni mfwa kwene! Yawe Simwandalali alakumbula aminsozi mu manso ya antu yonsi. Wene alasisya insonyi uku antu yakwe yonsi. Yawe watavwanga.

Ezaya 30:19

Nga alino nupya atwalilila ati, “Mwe ikazi amu Yelusalemu, mutalalila aminsozi nupya foo. Leza waya nu luse. Wene alamutuula ndi mwamwama.

Ezaya 30:25

Uwanda uno amalinga ya anisi inu yalapokwa nu kukomolelwamo antu yano yikala mwenemo, ali lino mu myamba yonsi mulafunkuka tufukoka twa manzi.

Ezaya 35:10

Yano Yawe wakulula yalawela uku Zioni nu luzango, ala yakwimba. Uluzango lwape lulaloleka pa mausyu yao. Yene yalapita nu luzango nu kusansamuka. Kutalaya ukucula nu kuilizyanya.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Ezaya 49:9

Ndanena amu ng'anda yaminyololo inti, ‘Fuminimo!’ Na yano ikala umu kanda nayo ndayanena inti, ‘Sokolokini, izini pano apaswe.’ Yalaya wa mfwele zino zikulya umulemvwe pa myamba isanzuke.

Ezaya 51:11

Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.

Ezaya 60:20

Amanda ya kuilizyanya yalasila. Nene kwene ne Yawe ndaya uluswepo lwako pee na pee, lulo luno lulayelelela pee ukuluta apa mwezi na kasanya.

Ezaya 65:19

Nani kwene kumwi, ndaya sile uwa nsansa zituputupu, pamulandu wakwe Yelusalemu na antu yakwe. Mutalaya uwakulukusya aminsozi, nanti sile uwakukuuta ati, ‘Tutulwe!’

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Ezekelo 34:23

Ndakatusya kacema uwa kuziteeka, umuomvi wane Davidi awino alaya akacema waziko nu kuzisunga aliwe alazisunga.

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Mika 7:14

We Yawe sungala wacema antu yako uku nsonzo yakuyakumbilizya, utungulule ufyo wa mfwele zyako zino waisolwela. Ndakai zitenzi zyonga mu mutengo, mu mpanga yamulemvwe yakucemelamo ivunde. Lelo zitini ziye zikalye mu mpanga yamulemvwe, yakucemelamo yaku Basyani nu ku Gileadi, ndi vino cali mu manda ampiti.

Mateo 2:6

‘Nawe Betelemu, mu mpanga yakwe Yuda, Usi munono muli yakateeka yakwe Yuda. Pano munuli mulafuma intunguluzi, ino ilaya akateeka wa antu yane aina Izlaeli.’ ”

Mateo 5:4

Alongo antu yano yakauvwa ulanda. Pano Leza alayasansamusya.

Yoane 10:11

“Nene mucemi musuma. Mucemi musuma akapeela umi wakwe pamulandu wa mfwele.

Yoane 10:14

Nene mucemi musuma. Namanya mfwele zyane nga nazyo zyamanya.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:11

Umwanaci ati, “Musambazi nga vino wemo utakweti cakusembela, nga ni cifula naco icizike, uzye lyene manzi kwene yayo akapeela umi umayafumya kwi?

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

1 Petulo 5:2

kuti musunge ningo mauvi yakwe Leza. Citini cii mu musango uli onga na uno yakacema yakasungilamo mfwele. Mwacita cii ndi vino Leza akalonda kuti mucite, kwaula kupatikiziwa. Ombini mulimo winu asi pamulandu sile wa kulipilwa, lelo pamulandu wa kulondesya kutumikila.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.

Umbwilo 21:22

Lelo mu musumba ntawenimo Ng'anda ikulu yakwe Leza, pano Mwene Leza Wamaka yonsi nga nu Mwana wa Mfwele ali Ng'anda ikulu iyaya mwenemo.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.