Umbwilo 7:10 - Amazwi Yakwe Leza 2013

¹⁰ Lyene yapunda ni zwi likulu yati, “Ufyusi ukafuma kuli Leza witu, wino uwikala pa cilimba ca wene, nga nu ku Mwana wa mfwele!”

Umbwilo 7:10 Iomraidhean Croise

Masamu 115:1

Awewe sile wenga, we Yawe, ala awewe wenga sile. Wewe sile ulinzile ukucindikwa, asi sweswe foo. Wewe sile ulinzile ukucindikwa apa luse lwako ulwa pee na paufuma cumi wako.

Masamu 3:8

Ukukululwa kukafuma sile kuli Yawe, upolelelo wako ungala uye apa antu yako.

Masamu 37:39

Yawe akapususya antu asuma, aliwe akayacingilila nu mu nsita zya ntazi.

Ezaya 43:11

Nene indi Yawe, nga kutaya Katuula namuze alusile nene.

Ezaya 45:15

Cumicumi wewe Leza uwafisama, wewe uli Leza wakwe Izlaeli nupya Katuula wakwe.

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Yelemiya 3:23

Cumi kwene ivintu vino vikacitika apapela ya twamba pamwi ni viila ivyayapo vyene ivyaufi utupu tupu. Yawe Leza witu mpo, ali kazwa witu swe ina Izlaeli.

Oseya 13:4

Yawe wavwanga wati, “Nene indi Yawe Leza winu wiyo uwamutungulwile ukufuma mu Eguputo. Mutaya na Leza muze suka sile nene. Nene ndi Katuula winu, nenga mpo.

Yona 2:9

Lelo nemo namapela impolelwa kunuli apa kukutaizya umu nyimbo. Ndafikilizya vino nalaya nu mulapo. Ufyusi ukafuma kunuli we Yawe.”

Zakaliya 4:7

“Nanti pace paye intazi uli, nemo ndalenga ukuti ukacimvye. Awewe ulankuulila cipya cipya Ng'anda yane ikulu, awewe nupya ulika ni iwe ilyapa nsonsi, lilyo na antu yalapunda yati, ‘Eya, kalukuwala! Kalukuwala!’ ”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Luka 3:6

Na antu yonsi yalalola ufyusi wakwe Leza.’”

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Yoane 1:36

Lyene lino walola Yesu akupita pipi, avwanga ati, “Lolini Mwana wa Mfwele wakwe Leza!”

Yoane 4:22

Mwe Asamaliya mukapepa wino mutamanya, lelo swemo swe Ayuda tukapepa wino twamanya, pano ufyusi walailwe kupitila mu Ayuda.

Efeso 2:8

Pano mwatuuzilwe ni cikuku cakwe Leza lino mwataile.

Umbwilo 12:10

Nupya nuvwa izwi likulu mwiyulu likuti, “Ndakai Leza watatutuula! Leza watalanga maka yakwe nu wene wakwe! Ndakai Katuula wino wasolola watalanga maka yakwe! Pano wiyo akapeela aina itu milandu wene wasumbwa pano nsi, wino musanya nu usiku akayapeela milandu nkolelo yakwe Leza witu.

Umbwilo 19:1

Pacisila cakwe vii nuvwile cimwi cino cuvwikike kwati ciunda ci umba likulu lya antu mwiyulu, yakuti, “Aleluya! Ufyusi, lulumbi, na maka ivyakwe Leza witu!

Umbwilo 21:5

Lyene wino atenzi pa cilimba ca wene avwanga ati, “Ndakai vintu vyonsi nkuvicita ivipya!” Alino anena ati, “Lemba vii, pano mazwi yaa acumi nupya yalinzile kutailwa.”

Umbwilo 22:3

Kusi cimwi icatipwa na Leza icilazanwa mu musumba ukulu. Cilimba ca wene cakwe Leza nupya ca Mwana wa Mfwele cilaya mu musumba ukulu, na aomvi yakwe yalamupepa.

Umbwilo 4:6

Nupya inkolelo ya cilimba ca wene pali cimwi calolekanga wakwe yemba musenguluke wi galasi lyakwe kulustele. Kuzinguluka cilimba ca wene kwali viumbwa vyaumi vini, nupya vyali na manso ingi nkolelo ni cisila caviko.

Umbwilo 5:7

Mwana wa mfwele aya tola lupapulo kufuma mwi kasa lilunji lyakwe wino uwatenzi pa cilimba ca wene.