Umbwilo 6:16 - Amazwi Yakwe Leza 2013

¹⁶ Alino yanena myamba ni milunda yati, “Tuponelini nu kutufisa ku manso yakwe wino uwikala pa cilimba ca wene nga nu ku ukali wa Mwana wa mfwele!

Umbwilo 6:16 Iomraidhean Croise

Masamu 14:5

Yalalemwa uku ntete apaula ni cakuutuka. Pano leza waya na yayo akamuyela.

Ezaya 2:10

Yaleezya ukufisama umu vimawe, umu macele, umu myamba nanti ukwimba vipolowe umwakuti yangafisama, apamulandu nu kuutuka ukali wako we Musambazi!

Yelemiya 8:3

Alino asyala yano yalapusuka ku luko kwene lulo ulwipe yalatemwa imfwa kuluta ukuya nu umi, ukuli konsi kuno ndayazingila. Vii ivyalanda Yawe Wamaka Yonsi.”

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Mateo 26:64

Yesu aasuka ati, “Watuvwanga. Lelo nkunena mwensi kwene vino mulalola Mwana wa Muntu atenzi kwi kasa lilunji lyakwe Leza Wamaka yonsi nu kwiza mu makumbi.”

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

Luka 23:30

Lilyo alino antu yalanena imyamba yati, ‘Tuponelini,’ nga nu kunena twamba yati, ‘Tufisini.’

Umbwilo 10:6

nu kucita mulapo mwi zina lyakwe Leza wino uwaya umumi pe na pe. Leza kwene wii uwaumvile iyulu na vyonsi vyayamo, insi na vyonsi vyayamo yemba na vyonsi vyayamo. Mungeli avwanga nu mulapo ati, “Kutalaya kulengezya nupya!

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Umbwilo 4:2

Lilyo kwene Mupasi Wamuzilo antungulula. Alino kuku kwiyulu indola cilimba ca wene na umwi atenzi penepo.

Umbwilo 4:5

Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.

Umbwilo 4:9

Viumbwa vyaumi vini vyapelanga lulumbi, mucinzi nga nu kutaizya wino uwatenzi pa cilimba ca wene, wino uwaya nu umi manda pe.

Umbwilo 5:1

Nupya naweni lupapulo mwi kasa lilunji lyakwe wino uwatenzi pa cilimba ca wene. Lwene lwakweti amalembo kulimvya imbali zyoili zyakwelo. Lwene lwalematikwe ni vimanyililo cinimbali.

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

Umbwilo 9:6

Mu myezi iya isano antu yalalonda imfwa, lelo imfwa italaloleka. Yalalonda ukufwa, lelo imfwa ilutuka kufuma kunoyali.