Umbwilo 4:8 - Amazwi Yakwe Leza 2013

⁸ Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

Umbwilo 4:8 Iomraidhean Croise

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Masamu 91:1

Wiyo uwaya ku kuzina kuli Leza wapapelapela, umu mapa ya cisao cakwe Umweneco Wamaka yonsi,

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Kufuma 3:14

Leza anena Mose ati, “Naya vino naya. Ulinzile ukuyanena uti, ‘Wino akaamwa ukuti Naya vino naya, uwatantuma kunomuli.’ ”

Ezaya 13:6

Pongomokini pano uwanda wakwe Yawe uli umupipi. Uwanda uo uliza wa ononesi ukufuma kuli wiyo Wamaka yonsi.

Ezaya 62:1

Nemo pali wewe Zioni ntange nikale sile cele. Nemo pali wewe Yelusalemu ntange ntonte kulanda pali wewe, mpaka sile ukululwe, mpaka sile indole ukuti insambu zyako zicate wa kasanya nu kucimvya kwako kuye wa luswepo ulukukozya usiku mu kanda.

Ezekelo 1:18

Lino nalolekesya amalimu yakweyo yalolekanga akulu wakwe cimwi, na pa malimu yonsi yani palolekanga manso yatuputupu ukuzinguluka monsi.

Ezekelo 1:5

Nupya mukasi naweni icintu cimwi calolekanga wa viumbwa vini vyaumi. Mu kuloleka kwakwevyo vyakweti cata ca muntu.

Ezekelo 1:6

Lelo cila ciumbwa cali ni vinso vini, na cila conga cakweti amaapa yani.

Ezekelo 10:12

Imili yao yonsi, amatundu yao yonsi, iminwe yao, amapa yao ni mipeto yao yonsi iini, vyali na manso yatupu monsi monsi.

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Milimo 20:31

Pempulini, lyene nu kwiusya ukuti pa myaka itatu, musanya nu usiku, namusambilizye cila wenga, na minsozi.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 11:17

yati, “We Mwene Leza uwa maka onsi, we muno ulipo nupya uwalipo! Twakutaizya pano watupoka maka yako nu kutandika kuteeka!

Umbwilo 14:11

Cunsi ca moto uno ulayoca cilakwela mupela manda pe. Kusi upemwilo musanya nu usiku kuli yao akapepa cilyanyi nu unkolanya wakweco, nga nu ku muntu wensi akweti cimanyililo ci zina lyaciko.”

Umbwilo 14:3

Antu yao imbanga lwimbo lupya nkolelo ya cilimba ca wene na pa manso ya viumbwa vini vyaumi na pa manso ya ikolo. Kutali umwi uwasambilile lwimbo luu suka sile antu mazimbi mwanda onga makumi yani na yani yano akulwilwe kufuma mu nsi.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 15:7

Lyene ciumbwa conga pa viumbwa vyaumi vini cipela angeli cinimbali ingeso cinimbali zyazilemo ukali wakwe Leza wino uwa umi manda pe.

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 19:4

Aikolo makumi yaili na yani nga ni viumbwa vini vyaumi vifukama nu kupepa Leza wino uwatenzi pa cilimba ca wene. Yavwanga yati, “Ameni! Aleluya!”

Umbwilo 21:22

Lelo mu musumba ntawenimo Ng'anda ikulu yakwe Leza, pano Mwene Leza Wamaka yonsi nga nu Mwana wa Mfwele ali Ng'anda ikulu iyaya mwenemo.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.

Umbwilo 4:6

Nupya inkolelo ya cilimba ca wene pali cimwi calolekanga wakwe yemba musenguluke wi galasi lyakwe kulustele. Kuzinguluka cilimba ca wene kwali viumbwa vyaumi vini, nupya vyali na manso ingi nkolelo ni cisila caviko.

Umbwilo 4:9

Viumbwa vyaumi vini vyapelanga lulumbi, mucinzi nga nu kutaizya wino uwatenzi pa cilimba ca wene, wino uwaya nu umi manda pe.

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Umbwilo 6:1

Nupya ndola Mwana wa mfwele akulematula cimanyililo cakwe conga pa vimanyililo cinimbali, nga nuvwa ciumbwa conga mu viumbwa cinimbali civwanga ni zwi likulu likoline wa kupangalansya kwa mvula citi, “Iza!”

Umbwilo 6:6

Alino nuvwa cimwi kwati izwi ala likufuma mu viumbwa vyaumi vini, liti, “Cipimo conga ca ngano cakulingana na malipilo ya muntu a wanda onga, nga ni vipimo vitatu vya malezi vyakulingana na malipilo ya muntu a wanda onga. Lelo mutonona miolivi nanti calo ca matingi!”

Umbwilo 7:11

Angeli yonsi iimilila kuzinguluka cilimba ca wene, nu kuzinguluka aikolo nga ni viumbwa vyaumi vini. Alino yafukama nu kukontamika ivinso vyao nkolelo ya cilimba ca wene, yapepa Leza yati,

Umbwilo 7:15

Uli mulandu uno yati iimilila nkolelo ya cilimba ca wene cakwe Leza nu kumutumikila musanya nu usiku mu Ng'anda ikulu yakwe Leza. Wino atenzi pa cilimba ca wene alayacingilila pa kuya nao.