Umbwilo 4:7 - Amazwi Yakwe Leza 2013

⁷ Ciumbwa cakwe conga calolike wakwe cisama, cakwe cili wakwe cipambasi, cakwe citatu cakweti cinso wa cinso ca muntu, nga na cakwe cini calolike wakwe lyang'anda wino akupapuka.

Umbwilo 4:7 Iomraidhean Croise

Utandiko 49:9

Yuda akoline na cisama, wino akakoma inyama atwala ku ninga, Yuda akoline na cisama akalambalala pansi ainyunza. Wene akoline na cisama, nga kusi umwi angapama ukumuzyula.

2 Samueli 1:23

“Saulo na Yonatani, yene aakuzunguka nupya akundwe. Yene yatapalukine umu mfwa numu wikazi wao kwene. Yakweti ulwilo ukuluta yalyang'anda, ni vimaka ukuluta yacisama.

Mapinda 28:2

Uyi wa muntu wa lukang'ansi ukakatusya ivikanza. Umuntu wa mano awino akaiza avifusya.

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Ezekelo 1:10

Icipazyo cakwevyo cali vii, cila conga cali ni cinso ca muntu. Vyonsi vini vyali ni cinso cakwe cisama ukwi kasa lilunji, vyonsi vini vyali ni cinso cakwe masaye ukwi kasa limani, vyonsi vini vyali ni cinso cakwe lyang'anda'anda uku nsizi.

Ezekelo 1:8

Umwisika lya maapa mwalolekanga ivizanza vya muntu ni vinso vyakwevyo vyonsi vini vyasenukile ku ntunga zyonsi zini.

Ezekelo 10:14

Cila kelubi wakweti ivinso vini. Icinso cakwe kelubi wenga cali icakwe kelubi. Cakwe ciili cali ica muntu. Cakwe citatu icakwe cisama. Alino cakwe cini icakwe lyang'anda.

Ezekelo 10:21

Fwandi cila wenga wakweti ivinso vini, amapa yani, navino vyalolekanga wavizanza vi kasa lya muntu umwisika lya mapa.

Danieli 7:4

Cakwe conga calolike wakwe cisama, lelo cakweti amaapa wakwe cipungu. Lino ncili lolekesya, amaapa yakweco yanyunsulwa. Alino cinyama cici yacikatusya apakuti cimilile wa muntu, nga yacipela nu mwenzo wa muntu.

Obadiya 1:4

Lelo nanti mungapapuka umupela wakwe lyang'anda, nu kuluka ivinsanzo apakasi ka ntanda, nemo ndamusamula nu kumuponya wa maleka. Avino Yawe wavwanga.

Mpendwa 23:24

Ala umutundu uu wala wakatuka wakwe cisama wa kaci. Wene akaposiwa nu kulala mpaka sile atale alye cino watalema, Nu kupwila uwazi wakwe vino alemile.”

Mpendwa 24:9

Yene yakateyamila wakwe cisama wakalume nanti wakaci. Nga aweni angezya ukumuvulumula? Ali cino fwandi amakupolelelanga, apolelelwe nawe kwene, Na wensi amakutipwilanga, atipwilwe nawe kwene.”

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

Malango 28:49

Yawe alamuletela antu amu luko luze ulwa ku mpela ya nsi ukwiza muzanza, uluko luno icilimi cao mutacimanya. Yene yaliza yamuvwelule ungati a cipungu.

Umbwilo 4:6

Nupya inkolelo ya cilimba ca wene pali cimwi calolekanga wakwe yemba musenguluke wi galasi lyakwe kulustele. Kuzinguluka cilimba ca wene kwali viumbwa vyaumi vini, nupya vyali na manso ingi nkolelo ni cisila caviko.

Umbwilo 6:3

Lyene Mwana wa mfwele alematula cimanyililo cakwe ciili, nga nuvwa ciumbwa caumi cakwe cili citi, “Iza!”

Umbwilo 6:5

Alino Mwana wa mfwele alematula cimanyililo cakwe citatu, nga nuvwa ciumbwa caumi cakwe citatu citi, “Iza!” Lyene ndola imfwalasi itifi. Wino uwakwezilepo walemile cipimilo mwi kasa lyakwe.

Umbwilo 6:7

Lyene Mwana wa mfwele alematula cimanyililo calenga vini, nga nuvwa ciumbwa caumi calenga vini citi, “Iza!”