Umbwilo 4:4 - Amazwi Yakwe Leza 2013

⁴ Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.

Umbwilo 4:4 Iomraidhean Croise

Esita 8:15

Modekai nawe wafumile umu musumba, ala watazwala insalu zya wene iziyenzulukile ni zitiswe, alino ni ngala ya wene yakwe zaabu iikulu. Ukwikapo ni cikuwalo cakwe zaabu ica mingololozi. Umu musumba monsi umu Susa ala ya kupunda nu luzango ulukalamba.

Masamu 21:3

Icumi cumi wamupolelile apakalamba wakwe cimwi. Nu kumuzwika uku mutwe icilongwe cakwe zaabu muswefiwe.

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Umbwilo 11:16

Lyene aikolo makumi yaili na yani, yano akaikala pa vilimba vyao inkolelo yakwe Leza yafukama nu kukontamika vinso vyao nga yapepa Leza

Umbwilo 14:3

Antu yao imbanga lwimbo lupya nkolelo ya cilimba ca wene na pa manso ya viumbwa vini vyaumi na pa manso ya ikolo. Kutali umwi uwasambilile lwimbo luu suka sile antu mazimbi mwanda onga makumi yani na yani yano akulwilwe kufuma mu nsi.

Umbwilo 19:14

Vita vya mwiyulu vyamulondile vila vikwezile pa mfwalasi zitiswe, nupya vyazwite nsalu ziswepe nupya zitiswe.

Umbwilo 19:4

Aikolo makumi yaili na yani nga ni viumbwa vini vyaumi vifukama nu kupepa Leza wino uwatenzi pa cilimba ca wene. Yavwanga yati, “Ameni! Aleluya!”

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 4:6

Nupya inkolelo ya cilimba ca wene pali cimwi calolekanga wakwe yemba musenguluke wi galasi lyakwe kulustele. Kuzinguluka cilimba ca wene kwali viumbwa vyaumi vini, nupya vyali na manso ingi nkolelo ni cisila caviko.

Umbwilo 5:11

Alino ndola nupya, nga nuvwa mazwi ya angeli mazimbi ni mintapendwa! Yene yaimi iyalizizya cilimba ca wene, ni viumbwa vyaumi vini nga na ikolo.

Umbwilo 5:14

Lyene viumbwa vyaumi vini vyasuka viti, “Ameni!” Alino aikolo yafukama nu kupepa.

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.

Umbwilo 6:11

Alino cila wenga wapilwe mwingila utiswe, nupya yayanena kuti yapuze pa nsita inono nayuze, suka mpendwa ya aomvi na ina yao mu utailo ilingane, yao alakomwa wakwe aliyo.

Umbwilo 7:11

Angeli yonsi iimilila kuzinguluka cilimba ca wene, nu kuzinguluka aikolo nga ni viumbwa vyaumi vini. Alino yafukama nu kukontamika ivinso vyao nkolelo ya cilimba ca wene, yapepa Leza yati,

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.

Umbwilo 9:7

Makanta walolike wa mfwalasi izyatiziiteyanya ukuya ku ulwi. Pa mitwe yaziko pali vimwi ivyalolike wa ngala zya wene zyakwe zaabu, nga ni vinso vyaziko viloleka wa vinso vya antu aonsi.