Umbwilo 4:2 - Amazwi Yakwe Leza 2013

² Lilyo kwene Mupasi Wamuzilo antungulula. Alino kuku kwiyulu indola cilimba ca wene na umwi atenzi penepo.

Umbwilo 4:2 Iomraidhean Croise

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Ezaya 6:1

Umu mwaka uno mwene Uziya wafwilile mwenemo, ne Ezaya naweni Umwene ala atenzi apa cilimba cakwe ica wene, icisanzuke. Ala ni cakuzwala cakwe cati cilimba Ng'anda yakwe ikulu.

Yelemiya 17:12

Ing'anda itu ikulu yakwe Leza ikoline ni cilimba ca wene calulumbi, isanzulwe ukufuma sile nu ku katalili.

Ezekelo 1:26

Papela ya cimpingizya pali cimwi calolekanga wa kaliwe kayengese kamutengo, akali wa cilimba ca wene. Alino papela yakwe cico, icikoline wa cilimba ca wene, apapela sile, pali uwalolekanga wa muntu ukuya papela.

Ezekelo 1:28

Pakulola uluswepo ulwazingulwike icali wa mulalamfuti mu makumbi mu nsita ya cisiku. Ni cintu cico calolike wa ucindami wakwe Yawe. Apakulola cico, impona pansi mfupime, nga nuvwa ni zwi lyakwe wiyo akulanda.

Ezekelo 10:1

Lino ne Ezekelo natumpwile amanso yane papela yakwe yakelubi, naweni icintu conga icali wa cilimba ca wene, capangwa kwiwe likankala lyakwe safilo

Danieli 7:9

Lino ncili lolekesya, ivilimba vya wene iviteekwa apa ncende ilya. Alino wiyo uwaliko ku katalili aikala pa cilimba conga. Vyakuzwala vyakwe vyali mpee wa mula, nga ni nyele zyakwe zyali mpee wa mavumbu ya mfwele zitiswe. Cilimba cakwe ca wene catesilwe pa mipeto ya moto, nga calunkumanga nu moto.

Mateo 22:43

Alino Yesu ayauzya ati, “Uzye lyene pacani Mupasi Wamuzilo walenzile kuti Davidi amwame ati, ‘Mwene?’ Davidi wavwanzile ati,

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.

Umbwilo 12:5

Lyene umwanaci avyala umwana monsi, wino walinga kuteeka inko zyonsi ku nsonzo ya cela. Lelo mwana yamusompola yamusenda kuli Leza nu kumwika pa cilimba cakwe ca wene.

Umbwilo 17:3

Mupasi Wamuzilo antungulula, nga mungeli ansenda ku lwanga. Kuku akuno naweni mwanaci atenzi pa cilyanyi ciyenzu cino calemvilwepo mazina ya miponto kuli Leza. Cilyanyi cii cakweti mitwe cinimbali ni mpembe ikumi.

Umbwilo 19:4

Aikolo makumi yaili na yani nga ni viumbwa vini vyaumi vifukama nu kupepa Leza wino uwatenzi pa cilimba ca wene. Yavwanga yati, “Ameni! Aleluya!”

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Umbwilo 21:10

Mupasi Wamuzilo antungulula, nga umungeli ansenda nu kuntwala papela ya mwamba utali cuze. Alino andanga Yelusalemu, Musumba Wamuzilo, ula ukwika kufuma kwiyulu kuli Leza. Wene wayengesanga nu lulumbi lwakwe Leza.

Umbwilo 21:5

Lyene wino atenzi pa cilimba ca wene avwanga ati, “Ndakai vintu vyonsi nkuvicita ivipya!” Alino anena ati, “Lemba vii, pano mazwi yaa acumi nupya yalinzile kutailwa.”

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 4:5

Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.

Umbwilo 4:9

Viumbwa vyaumi vini vyapelanga lulumbi, mucinzi nga nu kutaizya wino uwatenzi pa cilimba ca wene, wino uwaya nu umi manda pe.

Umbwilo 5:1

Nupya naweni lupapulo mwi kasa lilunji lyakwe wino uwatenzi pa cilimba ca wene. Lwene lwakweti amalembo kulimvya imbali zyoili zyakwelo. Lwene lwalematikwe ni vimanyililo cinimbali.

Umbwilo 5:13

Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”

Umbwilo 6:16

Alino yanena myamba ni milunda yati, “Tuponelini nu kutufisa ku manso yakwe wino uwikala pa cilimba ca wene nga nu ku ukali wa Mwana wa mfwele!