Umbwilo 3:7 - Amazwi Yakwe Leza 2013

⁷ “Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

Umbwilo 3:7 Iomraidhean Croise

Yobo 11:10

Leza ndi cakuti watile akwame, akolonganike na antu apakuti akupeele umulandu, uzye kungayako umwi uwakumukanya?

Yobo 12:14

Cino wene waongolola kutange kuye uwa kucikuula, wene nga wanyepa umuntu kutange kuye angamusapula.

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Masamu 16:10

Pano wemo utalansya mwi lindi, nanti kuleka muomvi wako umukundwe akalole ukuola.

Masamu 89:18

Cumi kwene awewe kwene watusolwela kacingilila witu, awewe watupeela umwene, we Wamuzilo wa ina Izlaeli.

Ezaya 22:22

Ndamupeela imfungulo zya ng'anda yakwe Davidi. Ndi wayula kutalaya wino angayala nupya. Alino ndi wayala kutalaya angayula.

Ezaya 30:11

Mwemo mwatusenkela umu nzila, mutatucinga foo. Mutatupalizya na matwi umu kuvwanga vyakwe Leza winu, Wamuzilo wakwe Izlaeli.”

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Ezaya 41:20

Alala antu yalola vii, yace yamanye ukuti anene ne Yawe nene naomba vii. Yalailuka nu kuvwikisya ukuti ne Leza Wamuzilo wakwe Izlaeli, anene nalenga ukuti vii, viyepo.”

Ezaya 47:4

Wamuzilo wilya wakwe Izlaeli ali Mukuluzi witu, ni zina lyakwe a Yawe Wamaka yonsi.

Ezaya 48:17

Yawe, Katuula wako, Wamuzilo wilya wakwe Izlaeli, wavwanga wati, “Nene indi Yawe, Leza winu, wiyo akamusambilizya vyakuti vyamuzipila, kuti ivintu vimuzipile. Nkamutungulula umu nzila ino mulinzile kupita mwenemo.

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Ezaya 55:5

Wemo ulaama umutundu uno utatazile umanyikwe. Imitundu ino itamanyikwa iliza ulwilo kunuli, apamulandu sile wakwe Yawe wako, Wamuzilo wakwe Izlaeli, iyo ino ilakucindika.

Ezaya 6:3

Ala yakulaizya yakuti, “Wamuzilo, wamuzilo, wamuzilo Yawe Wamaka yonsi, ucindami wakwe walimba insi yonsi.”

Mateo 16:19

Namakupeela mfungulo zya wene wa mwiyulu. Consi cino wazumilizya pano pansi, na Leza kwene mwiyulu alazumilizya. Na consi cino wainda pano pansi, na Leza kwene mwiyulu alainda.”

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Luka 1:32

Alaya mukulu nupya alaamwa u Mwana wakwe Leza uwa papelapela. Mwene Leza alamupeela uwene wakwe Davidi cikolwe cakwe,

Luka 4:34

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Milimo 3:14

Yesu wali uwamuzilo nupya mololoke, lelo mwemo mwamukanyile, nga mulenga Pilato kuti amusapwile inkomi mu cifulo cakwe.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Umbwilo 2:1

“Lemba ku ntunguluzi yakwi uvi ku Efeso uti, “Lii ilandwe kufuma kuli wino alemile ntanda cinimbali mwi kasa lyakwe lilunji nupya wene akapita pakasi ka vyakutekapo inyali cinimbali.

Umbwilo 21:5

Lyene wino atenzi pa cilimba ca wene avwanga ati, “Ndakai vintu vyonsi nkuvicita ivipya!” Alino anena ati, “Lemba vii, pano mazwi yaa acumi nupya yalinzile kutailwa.”

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”