Umbwilo 3:4 - Amazwi Yakwe Leza 2013

⁴ Lelo pali yamwi anono sile amunomuli amu Sadisi yano atakowezya vyakuzwala vyao. Yene yalapita pamwi nani yala yazwite vizwalo vitiswe, pano cati ciyalinga kucita vivyo.

Umbwilo 3:4 Iomraidhean Croise

1 Yamwene 19:18

Lelo nemo indi nu kusya penepo antu ukulingana na mazimbi cinimbali, yao atatala yantalamila nupya yatatala yafukamila Baali nanti ukutonsola kaluwi kakwe.”

Esita 8:15

Modekai nawe wafumile umu musumba, ala watazwala insalu zya wene iziyenzulukile ni zitiswe, alino ni ngala ya wene yakwe zaabu iikulu. Ukwikapo ni cikuwalo cakwe zaabu ica mingololozi. Umu musumba monsi umu Susa ala ya kupunda nu luzango ulukalamba.

Masamu 68:14

Nga lino Umweneco wamaka yonsi wapusizye yamwene, yasansantika, nga cali kwati akungwi uwaponile pali Zalimoni.

Kasambilizya 9:8

Lyonsi uwazwala ivitiswe, nu kupaka amafuta apa manso, apakulanga insansa nu luzango.

Ezaya 1:9

Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Ezaya 59:6

Fwandi vino mwemo mukapanga, visi vyakumuombela akantu nanti kamwi foo. Vyene ivyaciwelewele sile. Icili conga sile na vino insalu ino yapikwilwa nu usavu wakwe pengauyo!

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Aina Levi 13:48

nanti pa kasalu kali konsi kakwe pamba, nanti kasalu kali konsi ka mavumbu, nanti pa mukwela nanti pa cintu icili consi capangilwa nu mukwela

Mateo 10:11

“Mu musumba onsi nanti muzi uno mwingilamo, londini umuntu angamupokelela, mwikale mu ng'anda yakwe kufika na lino mulafumamo mu cifulo cico.

Mako 16:5

Lino iingila mwi lindi, yalola umulumendo ala atenzi kwi kasa lilunji, azwite mwingila utiswe, nga yuvwa intete.

Luka 20:35

Lelo yao yano calinga kuzyukuka kufuma ku afwe nu kwikala pamwi na Leza mu umi upya, yene yatalatwala nanti kutwalwa.

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

2 Tesalonika 1:5

Vii vyonsi vikalanga ukuti upinguzi wakwe Leza usi wa lufyengo, nga nu kuti wene akumucita kuya alinge kukuma ku Wene wakwe.

Yuda 1:23

Tuulini nu kusompola yamwi yataponela mu moto. Na kuli yamwi Muye na mizu nga ni ntetepo. Lelo sokini miyele yao ni vizwalo vyao kwene ivyakoweziwa ni vya lunkumbwa lwao lwipe.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.

Umbwilo 19:14

Vita vya mwiyulu vyamulondile vila vikwezile pa mfwalasi zitiswe, nupya vyazwite nsalu ziswepe nupya zitiswe.

Umbwilo 19:8

Wene watapelwa nsalu iswepe nupya itiswe iyakuti azwale.” Nsalu itiswe ali vicitwa visuma vya antu yakwe Leza.

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.

Umbwilo 3:5

Wiyo alacimvya alazwikwa vizwalo vitiswe wakwe yakwene nga nani ntalafuta zina lyakwe mu lupapulo lwa antu aumi. Pa manso yakwe Tata na angeli yakwe ndalanda paswe ukuti uwakwane.

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.

Umbwilo 6:11

Alino cila wenga wapilwe mwingila utiswe, nupya yayanena kuti yapuze pa nsita inono nayuze, suka mpendwa ya aomvi na ina yao mu utailo ilingane, yao alakomwa wakwe aliyo.

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.