Umbwilo 3:17 - Amazwi Yakwe Leza 2013

¹⁷ Wemo ukulanda uti, ‘Nene mukama nupya nikala ningo. Ntulilwa cimwi.’ Lelo utamanya vino wewe mucuzi nupya mulanda! Wewe mupina, wemo wewe mpafu nupya uli tupu.

Umbwilo 3:17 Iomraidhean Croise

Utandiko 3:7

Lilyo kwene lino yalya iviseekwa vyaku muti uwo, yapeelwa kumanya nga yiluka ukuti yali tupu. Acino yasuminkanya amafwa ya musamvu iyaindizya mu misana yao.

Kufuma 32:35

Caleka Yawe alenga kuti indwala ipone pa antu yayo pamulandu wakuti yalenzile kuti Aaloni ayapangile unkolanya wa mwana wa ng'ombe.

Mapinda 13:7

Umuntu umwi akaitunga ukuya umukama lino atakweti nanti acimwi. Muze nawe akaitunga ukuya umupina, lelo ala akweti ni mitumba ya vyuma.

Mapinda 30:9

ukoopa ukuti ndi nikutisya, limwi ningakutalamila, nu kuvwanga inti, ‘Uzye Yawe aweni?’ Nupya ukoopa ukuti ndi ningaya umupina, ningatandika ukwiya icakuti nifye ni zina lyako, we Leza wane.

Ezaya 42:19

Uzye aweni uwapafula wa muomvi wane? Uzye aweni uwapulama wa nkombe yane? Uzye awe uwapafula wa mutailwe wane? Uzye aweni uwapafula wa muomvi wakwe Yawe?

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Oseya 12:8

Aluko lwakwe Efulemu yakaitutumula yati, ‘Endi, sweswe yakama, twatitukwata icuma civule, kusi umwi wino angatupeela umulandu wakukwila icuma mu ucenjezi.’

Zakaliya 11:5

Aeneco ya mfwele yasya yazikome ukwaula ukupelwa umulandu, yasya yazikazye, nu kuvwanga ala yakuvwanga yakuti, ‘Leza twakutaizya, pano lyene twaya akama! Na yayo kwene akazicema yasikutala yazitezele foo.’ ”

Mateo 5:3

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Mateo 9:12

Pa kuvwa cii, Yesu nawe ayanena ati, “Antu apuma yasilonda sing'anga, suka sile alwale.

Luka 1:53

Wataikusya anzala ni vintu visuma, na akama watayazinga yapita iminwe itupu.

Luka 6:24

“Lelo kalanda kuli mwemwe mwe akama. Pano mwemo mwapokelela mpiti upemwilo.

Loma 11:20

Cii ica cumi. Yene yaputwilwe pano yatataile. Lelo mwemo muli mu cifulo caiko pano mwataila. Acino mutaitumika pali cii. Lelo muye ni ntete.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Loma 7:24

Owee! Ne mulanda! Uzye aweni amankulula ku mwili uno ukuntwala ku mfwa?

2 Petulo 1:9

Lelo wino wensi atakwata vintu vii ala wene akoline wa muntu akalola ciyeye nupya wene wilila ukuti waswefiwa ku maifyo yakwe a mpiti.

Umbwilo 16:15

“Uvwini! Nkwiza wa mwivi! Walongo awiyo wino akulola nu kucingilila vizwalo vyakwe pakuti atakapite tupu nu kuya ni nsonyi pa lwalala!”

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Umbwilo 3:16

Lelo pamulandu wakuti wemo uli cizunzuwi, utakaya nanti kuzuka nemo ndakuswila.