Umbwilo 3:11 - Amazwi Yakwe Leza 2013

¹¹ Nkwiza zuwa. Lemasya cino ukweti, kuti kutaya umwi uwa kukupoka cilambu cako.

Umbwilo 3:11 Iomraidhean Croise

Zefaniya 1:14

Uwanda ukulu wakwe Yawe uli mupipi, watiupalama, ala pasi pakukalauka ukufika! Uvwini! Uwanda ulya uwanda wa malanda nu kulilizika, pano ni vita viposye vilapunda tutulwe.

1 Kolinto 9:25

Muntu wensi akakumako ku kuiteyanya ku kucimvyanya, wene akasundwa, pakuti alonke cilambu ciyembe cino cikalowa. Lelo swemo tukasimula pakuti tulonke cilambu cino cilikalilila manda pe.

Filipi 4:5

Mwalanga kuteka mwenzo ku antu onsi. Mwene akwiza zuwa.

2 Timoti 2:5

Kusi umwi angacimvya mu cila ca kucimvyanya, suka wene atale ayele malamulo.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Yakobo 5:9

Inane, mutailizyanya wenga pa muze pakuti Leza atace amupingule. Kapingula watapalama, nupya ali pipi nu kuloleka.

Umbwilo 1:3

Walongo umuntu wiyo akawelenga lupapulo luu, walongo umuntu wino akauvwa ku mazwi yaa ausemo nu kuyela vino vyalembwa mu lupapulo luu! Pano insita yatipalama lino vintu vii vyonsi vilacitika.

Umbwilo 16:15

“Uvwini! Nkwiza wa mwivi! Walongo awiyo wino akulola nu kucingilila vizwalo vyakwe pakuti atakapite tupu nu kuya ni nsonyi pa lwalala!”

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 2:25

Lelo kufika lino ndiza, mulinzile kulemelela na maka kuli vino mwasambilila.

Umbwilo 22:12

Yesu akuti, “Uvwini!” Nkwiza zuwa! “Ndiza ni vilambu vyakupeela cila muntu kulingana na vino waomba.

Umbwilo 22:20

Wino akupeela umboni wakwe kuli vii vyonsi akuti, “Endi! Nkwiza zuwa!” Ameni! Iza Mwene Yesu!

Umbwilo 22:7

Yesu akuti, “Uvwini! Nkwiza zuwa! Alongo ayao yano yakayela mazwi ya usemo amu lupapulo luu.”

Umbwilo 3:3

Acino iusya vintu vino wasambiliziwe na vino uvwile. Uwayela vintu vivyo nupya uzenzuke. Ndi utazyusile, ndiza panuli wa mwivi, nupya utalamanya insita ino ndizilapo.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.