Umbwilo 3:10 - Amazwi Yakwe Leza 2013

¹⁰ Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

Umbwilo 3:10 Iomraidhean Croise

Ezaya 24:17

Mwe antu aikazi ya pano nsi, ala munguvwe. Yapolowe, inkose na macinga, vikumulolela.

Danieli 12:10

Antu avule yalasangululwa. Yayo akacita vyaukakasi yatalasangululwa, lelo yalatwalilila ukuya aukakasi. Kusi nanti wenga muli yayo akacita vya ukakasi wino aliiluka, suka sile yayo akwata amano.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Mateo 24:14

Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.

Mateo 26:41

Pempulini nu kupepa kuti mutaponela mu matunko. Umwenzo ukulondesya, lelo umwili uutonte.”

Mateo 6:13

Utaleka tuponele mukweziwa kukome lelo ututuule ku Mwipe wilya.’

Mako 14:9

Cumi, namunena vino, konsi kuno Ilandwe Lisuma lilakosolwa mu nsi yonsi, cii cino umwanaci wii wacita cilalandwa kuti antu yamwiusya.”

Luka 2:1

Mu manda yalya Agusto kateeka uwaku Loma wapile ilamulo ilyakuti antu yonsi yapendwe.

Yoane 17:6

“Nati ndenga kuti antu yano wampile kufuma mu nsi yakumanye. Yene yali akwako, nga nawe wayampile. Yene yakayela mazwi yako,

Loma 1:8

Pa kutandika, nkutaizya Leza wane muli Yesu Klistu pali mwemwe mwensi, pano utailo winu uvwika ku antu amu nsi yonsi.

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

Efeso 6:13

Caleka ndakai muipangasye vyanzo vyakwe Leza. Lyene lino uwanda uwa uwipe uliza, mwemo mulaya na maka akuipokolola mukulolenkana nu mwanisi. Alino pacisila cakulwisya kufika nu kumpela, mulazyansya.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

Yakobo 3:12

Inane, uzye musamvu ungaseeka maolivi? Uzye mutingi ungaseeka masamvu? Nanti uzye manzi asangalale yangafuma mu kafukoka ka manzi ali nu musilya?

1 Petulo 4:12

Mwe yacuza akundwe, mutazunguka pa kupita mu macuzi aipe apa kweziwa, kwati cintu cimwi cisyacitika camuponela.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Umbwilo 11:10

Antu yonsi amu nsi yalazanga pamulandu wa mfwa yakwe yakambone yaa yaili. Yene yalazevya nu kutumilana mawila, pano yakasema yaa yaili yalesile macuzi aingi pa antu.

Umbwilo 13:10

Wino wensi ali nu kuya mu uzya, alasendwa mu uzya. Wino wensi akakoma ku lupanga, alinzile akomwe ku lupanga. Ku antu yakwe Leza paa yalinzile kuposya nu kukwata utailo.”

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 14:12

Acino mwe antu yakwe Leza mulinzile kuposya mwe muno mukayela masunde yakwe Leza nu kutaila muli Yesu.

Umbwilo 14:6

Nupya ndola mungeli muze akupapuka mwiyulu papelapela, ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi.

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Umbwilo 17:2

Yakateeka amu nsi yacitanga uzelele nawe, nga na antu amu nsi wayakolesizye waini wa uzelele wakwe.”

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 3:8

Namanya milimo yako. Nakuyulila mulyango nupya kusi angauyala. Namanya vino maka yako yatavula, lelo ukayela mazwi yane nupya utankana.

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

Umbwilo 8:13

Lyene ndola, nga nuvwa lyang'anda, wino walelanga papela mu lwelele akuti, “Kalanda! Kalanda! Kalanda kuli yao yonsi akaikala mu nsi lino angeli yatatu asyala nayo yasya yalizye ntandala zyao.”