Umbwilo 22:1 - Amazwi Yakwe Leza 2013

¹ 5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:1 Iomraidhean Croise

Masamu 46:4

Kwaya uluzi lumwi ulukazanzya umusumba wakwe Leza, incende yamuzilo muno Leza Wapapelapela umweneco wikalamo.

Ezaya 41:18

Ndacita utufukoka umu myamba umutaya imiti ni sote. Ndaleka ukuti utufukoka tutuluke umu mikonko. Umu lwanga namo ndafukula ivifula vya manzi. Mu mpanga iyumalale namo ndapanga intulo ya manzi.

Ezaya 48:18

“Mwemo ndi cali cakuti mwasumbisya amano ku masunde yane, ulongo lwinu lungaya wa luzi ulukapita lyonsi sile. Nu kucimvya kwinu kungaya wa mayimbi akaipumola ku cituntu cakwe yemba.

Ezaya 66:12

Yawe akuti, “Nemo ndamuletela isyuko lya pee, ni vyuma vya mitundu yonsi vimaizanga kunomuli. Vimafumfumukanga wa manzi amu luzi ulukupita lyonsi. Mumaya wa kana kano kakusungwa na nyina, kano kasenzilwe pa minwe yakwe, nu kukasunsuntila.

Yelemiya 17:13

Mwene, wewe uli upalilo wa ina Izlaeli. Yonsi yano yakutazyela yalazewana, na yano yakusangukila yalatenulwa muno nsi, pamulandu wakuti yatayela Yawe intulo ya manzi ya umi.

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Zakaliya 14:8

Wanda ulya ndi waca wafika mu musumba wa Yelusalemu mulafuma amanzi ya umi, yamwi yalaya kuli Yemba Mufwe, yauze nayo yalaya ku uwondaka kuli Yemba wa Adiliya. Amanzi yayo yalapita ukuzinguluka umwaka onsi.

Yoane 13:32

Ndu lulumbi lwakwe Leza lwasokololwa mu Mwana, lyene Leza alasokolola lulumbi lwa Mwana wa Muntu munoli umwisikulu. Endi, alacita zuwa.

Yoane 15:26

“Lelo kaazwa aliza, ali Mupasi, wino akasokolola cumi ca pali Tata, nupya akafuma kuli Tata. Ndamutumila wii kwene kufuma kuli Tata, nga nawe alapeela umboni pamulandu wane.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 21:11

Musumba wayengise wi we liyengese lyamutengo, wakwe Yaspele, uyengese mpe wakwe Kulustele.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 21:9

Mungeli wenga uwamu angeli cinimbali yano yakweti ngeso cinimbali izyazilemo vilumbelo cinimbali vyakusyalikizya aiiza kunondi anena ati, “Iza kuno, nga nani namakulanga nawinga, muci wa Mwana wa Mfwele.”

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Umbwilo 22:6

Alino mungeli anena ati, “Mazwi yaa acumi nupya yalinzile kutailwa. Nu Mwene Leza, wino akapeela Mupasi wakwe kuli yakasema, wene watumile mungeli wakwe kuti alange aomvi yakwe vintu vino vyasya vicitike zuwa.”

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Umbwilo 5:13

Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”