Umbwilo 20:8 - Amazwi Yakwe Leza 2013

⁸ Lyene alapita ku kusomba antu amu nko zyonsi, yano asalangana mu nsi yonsi, kuli kuti Gogi na Magogi. Wene alayakonganika pamwi ku ulwi, nu wingi wao ulaya wa musensenga uwamu nkumba yakwe yemba.

Umbwilo 20:8 Iomraidhean Croise

1 Yamwene 4:20

Antu amu Yuda nu mu Izlaeli yavuzile cuze wa musensenga uwamu nkumba yakwe yemba. Yali asansamuke pamulandu wakuti yakweti ivyakulya ni vyakumwa ivivule.

2 Milandu 18:21

“Umupasi ulya nao wasuuka uti, ‘Namaya nkanene yakasema yakwe Aabu yonsi yakaseme ivyaufi.’ “Nga Yawe avwanga ati, ‘Pitanga sile wemo kamusombe nu kuomba cayaomba sile ningo.’”

Ezaya 10:22

Nanti angala aina Izlaeli yangavula uli, yaye wa lusenga lwamu nkumba yakwe yemba, lelo ampendwa sile ali yano yalaweluluka, pamulandu wakuti ukulowa kwa antu kucilipo, nako ukukome.

Yelemiya 33:22

Ica cumi, nemo ndavuzya wakwe cimwi ana ya muomvi wane Davidi, na yasimapepo aina Levi akumbombela icakuti apakuyapenda, cikaye sile kwati nalimwi umuntu wino akwezya ukupenda intanda zya mwiyulu nanti umusensenga uwamu nkumba yakwe yemba.”

Ezekelo 38:1

Nupya Yawe avwanga kunondi ati,

Ezekelo 38:2

“We mwana wa muntu, unenole Gogi, waku mpanga ya Magogi, kateeka mukalamba waku musumba wa Mesyeki nu wa Tubali, nga umupele umulandu.

Ezekelo 39:1

Fwandi we mwana wa muntu, sesemela Gogi uti, Yawe Simwandalali wa vwanga wati, “Namakwalukila we Gogi, we ntunguluzi yaku Mesyeki na Tubali.

Ezekelo 39:6

Ndaponyezya umoto pa mpanga ya Magogi alino nu mu nkumba zyakwe yemba nu mwikala antu ku matwi cele. Nga alino lyene yalamanya ukuti nene indi Yawe.

Ezekelo 7:2

“We mwana wa muntu vwanga uti, Yawe Simwandalali wanena impanga yakwe Izlaeli ukuti awe lyene casila, lyene ali kusila kwa mpanga yonsi.

Ayebulai 11:12

Caleka mu muntu wii wenga, uwali kwati wafwa mpiti, mwizile mufuma amu mupanda wakwe. Nu wingi wakweyo wali wa ntanda zya mwiyulu nupya wa musensenga uwamu nkumba yakwe yemba uno utangapendwa.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 20:3

Lyene mungeli amusumbila mu ciwina caula impela, afungapo nu kumatilila, pakuti atasomba antu amu nko nupya, kufika lino myaka zimbi lyonga ilasila. Pacisila cakwe vii, wene alinzile kusapulwa pa nsita inono.

Umbwilo 7:1

Pacisila cakwe vii ndola angeli yani yaimi pa ntunga zini zya nsi, ala yati yalema imiza ini. Yacisile vii kuti umuza nanti umwi utapunga pansi nanti pali yemba nanti pa cimuti cili consi.

Yakapingula 7:12

Aina Midyani, na ina Amaleke, nga na amu mitundu yamu lwanga ala yatiyalimba mu cifoloma consi kwati amakanta ku wingi, nupya yakweti ingamila izivule wa musensenga uwamu nkumba yakwe yemba.

1 Samueli 13:5

Aina Filisti nayo iyakongana ku kulwa na ina Izlaeli, yala yakweti amaceleta amazimbi yatatu, na asilika amu maceleta nayo amazimbi mutanda, nga ni vita ivivule wa musensenga uwamu nkumba yakwe yemba. Iyatumbela iyaya yakuula insakwe ku Mikimasyi, lwaku ufumondaka wa Betaveni.