Umbwilo 20:3 - Amazwi Yakwe Leza 2013

³ Lyene mungeli amusumbila mu ciwina caula impela, afungapo nu kumatilila, pakuti atasomba antu amu nko nupya, kufika lino myaka zimbi lyonga ilasila. Pacisila cakwe vii, wene alinzile kusapulwa pa nsita inono.

Umbwilo 20:3 Iomraidhean Croise

Masamu 90:4

Pano imyaka izimbi lyonga, kuli wewe yaya wa wanda onga sile, kwati uwanda wa mutundo uwapisile, kwati insita yonga iya usiku.

Danieli 6:17

Alino yaleta iciliwe nu kuciika apa mulyango wa ninga ilya, nga umwene nawe aiika icimanyililo cakwe ca wene nga ni ca vilolo vyakwe apa ciliwe cici, apakuti kutaya umwi uwakutuula Danieli.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Mateo 27:66

Caleka yapita yaya yalinda ilindi ningo. Yika cimanyililo piwe lya pa mulyango, cakumanyila umwi ndi walikunkulusya, kulifumyapo. Alino yasyapo na yakalinda akuti yalindapo.

Mako 4:15

Antu yamwi yakoline wa mbezu izyaponile umu mbali ya nzila, muno mazwi yatewa. Lilyo kwene lino yuvwa mazwi yakwe Leza, Ciwa nawe aiiza afumya mazwi munoyali.

Luka 8:31

Mipasi yankota ipapata Yesu kuti ataizingila ku ciwina caula impela.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

2 Petulo 3:8

Lelo mwe yacuza akundwe, mutailila cintu conga! Kuli Leza wanda onga waya wa myaka izimbi, nga ni myaka izimbi yaya wa wanda onga.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 17:2

Yakateeka amu nsi yacitanga uzelele nawe, nga na antu amu nsi wayakolesizye waini wa uzelele wakwe.”

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 20:1

Nupya ndola mungeli akwika kufuma mwiyulu, ala alemile mfungulo yaku ciwina caula impela nga nu munyololo ukulu cuze.