Umbwilo 20:2 - Amazwi Yakwe Leza 2013

² Alino alema cizoka ca mpiti, kuli kuti Satana nanti Ciwa nu kumunyepa kulingana ni myaka izimbi lyonga.

Umbwilo 20:2 Iomraidhean Croise

Utandiko 3:1

Lyene inzoka yali icenjelesye pa viumbwa vyonsi vyamu mpanga vino Yawe Leza waumvile. Inzoka yuzya umwanaci iti, “Uzye icacumi Leza wamuinda ukulya iviseekwa vyaku miti yonsi yamu calo?”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Yobo 1:7

Alino lyene Yawe auzya Satana ati, “Uzye aukwi kuno wafuma?” Satana nawe aasuka Yawe ati, “Naile nkutandala mu nsi, inda nkuzeuluka ku na ku.”

Ezaya 24:22

Leza amatitikanya pamwi, yamwene yonsi amu ciwina icili conga kwene, ungati anyepwe. Amayayalila umu ng'anda yaminyololo, ukufika na pa nsita ino yalayalolwela penepo.

Ezaya 27:1

Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.

Ezekelo 47:5

Nupya apima na mamita yauze, awe lyene iluya uluzi luno ntangendambe, pasi pano uluzi lwasambela, amanzi yavulisya, yasi yakulamba suka sile ukowa.

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Mateo 8:29

Yakomanya Yesu, nga yapunda yati, “Yesu, we Mwana wakwe Leza, uzye ukulonda cani kunotuli? Uzye wati wiza kuno kuti utucuzye lino kasita katali kafike?”

Mako 4:15

Antu yamwi yakoline wa mbezu izyaponile umu mbali ya nzila, muno mazwi yatewa. Lilyo kwene lino yuvwa mazwi yakwe Leza, Ciwa nawe aiiza afumya mazwi munoyali.

Mako 5:7

apunda ni zwi likulu ati, “Yesu, we Mwana wakwe Leza uwa papelapela, uzye ukulonda cani kunondi? Lapa pa manso yakwe Leza, ukuti, utakuncuzya!”

Yoane 12:31

Ndakai, akasita ka kupingula antu amu nsi ii. Ndakai Ciwa kateeka wa nsi ii akucimviwa.

Yoane 16:11

Yene aponge pamulandu wa kuntamanya upinguzi wakwe Leza pano Ciwa, kateeka wa nsi ii watavunukwa mpiti.

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

2 Petulo 2:4

Leza atapanyizye angeli yano aiifizye. Lelo wayanyepa nu kuyasumbila mu Gehena mu ciwina ca mfinzi, anyepwe yakalolela upinguzi.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.

Umbwilo 12:13

Lino cizoka camanya ukuti cati cisumbwa pano nsi, citandika kuzinganya umwanaci u waviile umwana umonsi.

Umbwilo 12:15

Alino cizoka ciswila mwanaci manzi aingi kufuma mu mulomo wakweco kwati luzi, kuti mukuku umusende.

Umbwilo 12:17

Cizoka cisokela mwanaci cuze, nga cipita ku kulwisya ana yakwe onsi, ku antu yonsi akayela masunde yakwe Leza, nupya akapeela umboni wa pali Yesu.

Umbwilo 12:3

Nupya mwiyulu muloleka cimanyililo nacuze. Ndola cizoka cikulu cuze nupya ciyenzu cakweti mitwe cinimbali ni mpembe ikumi, nga ni ngala ya wene yali pali cila mutwe.

Umbwilo 12:4

Cene caomvizye musinda pa kukuwa ciputulwa conga mu viputulwa vitatu vya ntanda, icizifumya mwiyulu nu kuzisumba pano pansi. Cizoka cii caimi nkolelo ya mwanaci pakuti cilye umwana wakwe zuwazuwa lino wavyalwa.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:2

Cilyanyi calolike wa nangu, ni ngazo zyakweco wakwe zyakwe ciuli, nu mulomo wali wa mulomo wakwe cisama. Cizoka cipela maka ni cilimba ca wene nu utesi ku cilyanyi.

Umbwilo 13:4

Cila muntu wapefile cizoka pano cene capile maka akuteeka ku cilyanyi. Alino yapepa ni cilyanyi kwene yati, “Uzye aweni akoline wa cilyanyi? Uzye aweni angalwa naco?”

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 20:7

Pacisila lino myaka izimbi lyonga yasila, Ciwa alasapulwa mu ng'anda yaminyololo.

Umbwilo 9:11

Yene yakweti kateeka uwa kuyateeka, kateeka wii u mungeli wino akaangalila ciwina caula impela. Izina lyakwe mu Ciyebulai a Abadoni, nu mu Cigiliki izina lyakwe a Apolyoni, cikusenula, “Wino akaonona.”