Umbwilo 20:13 - Amazwi Yakwe Leza 2013

¹³ Lyene yemba afumya afwe ali mwenemo. Imfwa ni cifulo ca antu afwe navyo kwene vifumya afwe ali mwenemo. Na onsi yapingwilwe kulingana ni vintu vino yacisile.

Umbwilo 20:13 Iomraidhean Croise

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

Oseya 13:14

“Ntalatuula antu yaa ukufuma kuzimo, nanti ku maka ya mfwa. We mfwa, uzye vilumbelo vyako vili kwi? We lindi, uzye uononesi wako uli kwi? Ntalaya ni nkunkunsi pa antu yaa.

Mateo 11:23

Mwe antu amu Kapenaumu uzye mukwelenganya vino mungakweziwa kwiyulu kupela? Awe! Mulasumbwa pansi kuzimo! Pano ndi vinjelengwe ivyacisilwe munomuli ivyacisilwe mu Sodoma, Sodoma nga acilipo ni lelo.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

1 Kolinto 15:26

Nu mwanisi uwa kusyalikizya kucimviwa alaya imfwa.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.

Umbwilo 20:14

Lyene imfwa ni cifulo ca antu afwe vyoili visumbwa muli yemba wa moto. Yemba kwene wii uwa moto, ili imfwa yakwe ciili.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”

Umbwilo 6:8

Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.