Umbwilo 2:3 - Amazwi Yakwe Leza 2013

³ Wemo ukateeka umwenzo nupya wacuziwe pamulandu wane, nupya utanenwike.

Umbwilo 2:3 Iomraidhean Croise

Masamu 37:7

Utekele sana nu kutaila muli Yawe, utasokela wiyo uwaya nu longo, nanti wiyo akacita ivya ucenjezi.

Masamu 69:7

Ala nemo, apali wewe, apano yansuulila, ni nsonyi zyandema.

Mika 7:9

Twifya kuli Yawe, acino lyene tulinzile kuzizimizya ukali wakwe, mpaka ace atuvwangile nu kuzifya umulandu witu. Wene alatwingizya mu luswepo, alino tulalola kuno akututuula.

Mako 15:21

Mu nzila yakomanya umuntu zina lyakwe a Simoni, uwaku Kuleni, isi wakwe Alekizanda na Lufusi, ala akwiza mu musumba kufuma mu mpanga. Lyene asilika yamupatikizya kusenda lupanda lwakwe Yesu.

Luka 14:27

Wino wensi asisenda ulupanda lwakwe nu kundondela, wene atangaya mulondezi wane.

Luka 18:1

Lyene Yesu aumila alondezi yakwe mulumbe, kuti ayasambilizye vino yalinzile kupepa nsita zyonsi kwaula kunenuka.

Luka 21:19

Mukuposya kwinu, mulaya nu umi.

Luka 5:5

Simoni aasuka ati, “Kasambilizya, twati tuomba usiku onsi lelo tutumile nanti imwi. Lelo apizwi lyako namateya amasumbo.”

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Yoane 15:21

Lelo yalacita vintu vii vyonsi kunomuli pamulandu wakuti mwemwe yakwane, pano yatamanya uwantuma.

Loma 12:12

Lekini upaalilo winu umuletele luzango. Tekini myenzo mu ntazi zinu, nga nu kupepa nsita zyonsi.

Loma 16:12

Natuma ulau wane na kuli Tulafaeni na Tulafosa, akatumikila Mwene, nga na kuli cuza wane mukundwe Pesisi, uwaomba mulimo ukulu cuze uwa Mwene.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Loma 8:25

Lelo ndi tukupaalila cino tusikulola, ale tukulolela mukuteka mwenzo.

1 Kolinto 13:7

Kutemwa kusyanenuka, nupya insita zyonsi kukataila nu kupaalila nga nu kuteeka mwenzo.

1 Kolinto 16:16

londelini utunguluzi uwa antu ali ndi yaa, nga nayauze yano akaomba nu kutumikila pamwi nao.

2 Kolinto 10:15

Swemo tusyaitumika pali vino yauze yacita, kwati limwi sweswe twacita vintu vivyo sweisikulu. Lelo tukupaalila ukuti utailo winu ungakulilako nga nu kuti swemo tulakwata maka akuomba mulimo ukulu cuze pakasi kinu, kulinga ni cipimo cino Leza wika.

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

2 Kolinto 4:16

Swemo tusyanenuka. Mili itu ikucucuka, lelo sweisikulu tukukomeleziwa mu myenzo cila wanda.

2 Kolinto 5:9

Kuluta pali vyonsi, nanti cingaya uli, swemo tukulonda kuzanzya Mwene lino tuli pamwi nawe mu wikalo wakwe nanti lino tuli kutali kufuma kunoli.

2 Kolinto 6:5

Tumwanga, twanyepwanga mu man'ganda ya minyololo nga nu kuciswa mu zya mpanzela. Twaombesyanga nupya tutalalanga tulo nanti kulya.

Galatiya 6:2

Mwaazwana kusenda visendo, nga mu musango kwene uu, mukaayela Masunde yakwe Klistu.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Filipi 2:16

lino mukuyanena mazwi yano yakapela umi. Ndi mwacita vivyo, lyene nemo ndailumba pamulandu winu pa Wanda uno Klistu alawela. Pano lyene ndamanya vino maka nu kuomba kwane kutali kwasilesile.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Kolose 1:11

Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

1 Tesalonika 5:12

Tukumupapata mwe ina itu, kuti mwacindika yao akaomba pakasi kinu, yano akamutungulula muli vino mulinzile kwikala wa ina Klistu.

2 Tesalonika 3:13

Lelo mwemo, inane, mutalinzile kunenuka kucita visuma.

2 Tesalonika 3:5

Nkulenga ku Mwene kuti wene amutungulule mu kutemwa ndi vino akacita nga nu mukuposya kuno Klistu akapela.

2 Tesalonika 3:8

Tutalyanga cakulya caula kukala kufuma ku muntu ali wensi. Lelo twaombanga cuze nupya twatwalilile kuomba musanya nu usiku kuti tutaya wa cisendo kuli wensi uwa munomuli.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

1 Timoti 5:17

Aikolo yano akaomba mulimo usuma uwa kutungulula iuvi yene yalinzile kulipilwa, maka maka yao akaombesya mu kukosola nu mukusambilizya yalinzile kupelwa malipilo lili kuluta.

Ayebulai 10:36

Mulinzile kuteeka myenzo, kuti mucite kulonda kwakwe Leza nu kupokelela cino walaya.

Ayebulai 12:1

Swemo tukweti iumba likulu lyakwe yakambone, lino litulizizye. Acino lekini tufume ku vintu vyonsi vino vikatuvulunganya, na maifyo yano akatupalama lili lili. Lekini tusimule nu mukozya mu lwilo lwa kucimvya luno lwikwa nkolelo itu.

Ayebulai 13:13

Lyene lekini tufumile kunoli kunzi ya nsakwe nu kukumako kukuzewana kwakwe.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Ayebulai 6:12

Tusyakulonda kuti mwemo muye akasu. Lelo mulinzile kuya wakwe yao ataila nupya yano akateeka myenzo, nga yapokelela vino Leza walaya.

Ayebulai 6:15

Abulaamu watesile mwenzo, acino wapokelile na vino Leza wamulavile.

2 Petulo 1:6

Ku kumanya kwinu ungilizyini kuikanya. Ku kuikanya kwinu ungilizyini kuposya. Ku kuposya kwinu ungilizyini kuipelesya ku umi wa kupepa Leza.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.