Umbwilo 19:10 - Amazwi Yakwe Leza 2013

¹⁰ Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Umbwilo 19:10 Iomraidhean Croise

2 Yamwene 17:36

Muce mwauvwila sile ne Yawe, uwamufumizye mu Eguputo na maka akalamba nu ulamba. Kuli nene sile akuno mufwile ukufukama nu kupeela impolelwa.

Masamu 45:11

Ukuyemba kwako uku malekanga ukuti umwene akulonda. Ali cino wemo fwandi, ulinzile uku muyela pano wene ali musambazi wako.

Kufuma 34:14

“Mutapepa leza muze ali wensi, pano Yawe wino izina lyakwe a cauzuwa, a Leza wa uzuwa mucumi.

Danieli 2:46

Lyene umwene Nebukadineza apona pansi afupime nga apeela ilamulo kuti yapeele impolelwa na mawila kuli Danieli.

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Mako 5:22

Yailo, intunguluzi yamu ng'anda yamapepo aiiza. Lino walola Yesu, amufukamila

Mako 7:25

Umwanaci wino uwali nu mwana kaci, uwali nu mupasi wankota munoli, uvwile ilandwe lya pali Yesu, nga aiiza, afukama pa ngazo zyakwe.

Luka 1:19

Lyene mungeli amwaasuka ati, “Nene Gabilieli, wino akaikala pipi na Leza, nupya natumwa kuti nize nkumanyisye nu kukunena Ilandwe Lisuma lii.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Milimo 10:43

Wii ali wino yakasema yonsi yacitile umboni pa kuvwanga vino Leza alelela maifyo ya muntu ali wensi uwataila mwi zina lyakwe.”

Milimo 13:27

Antu akaikala mu Yelusalemu, nga ni ntunguluzi zyao, yatamanyile vino Yesu ali Katuula, nanti ukwiluka mazwi yakwe yakasema yano yakawelenga cila Sabata. Lelo pa kuvunuka Yesu ku mfwa, yalenzile kuti mazwi yakwe yakasema yafikiliziwe.

2 Kolinto 8:7

Mwemo mukacita vintu vyonsi ningo kuluta muntu ali wensi. Mukweti utailo ukome kuluta. Mukalanda ningo nupya mwamanya vintu vingi kuluta. Mukalondesya kupeela, nupya mwatutemwa cuze. Caleka ndakai mulinzile kupeela kuluta vino muntu ali wensi angacita.

Efeso 5:15

Caleka tekelini mu mikalile inu. Mutaikala wa antu awelewele, lelo wa antu yamano.

Efeso 5:33

Caleka cila monsi alinzile kutemwa muci wakwe, ndi vino wene waitemwa umwisikulu. Cila mwanaci alinzile kucindika iya wakwe.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

1 Tesalonika 5:15

Mwasakamala ukuntacitilana cilanduzi. Lelo nsita zyonsi mulinzile kukwata simwililo lya kucita cisuma kuli cila wenga nga nu ku antu onsi.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

1 Yoane 5:10

Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

1 Yoane 5:21

Mwe ana yane, mwaisunga ningo mutapepa tuluwi.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

Umbwilo 12:17

Cizoka cisokela mwanaci cuze, nga cipita ku kulwisya ana yakwe onsi, ku antu yonsi akayela masunde yakwe Leza, nupya akapeela umboni wa pali Yesu.

Umbwilo 14:7

Alino avwanga ni zwi likulu ati, “Oopini Leza nu kulumbanya ukulu wakwe! Pano insita yatifika yakuti wene apingule antu! Pepini wino uwaumvile iyulu ni nsi, yemba nu tufukoka twa manzi.”

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

Umbwilo 19:9

Alino mungeli anena ati, “Lemba uti, Alongo ayao aamwa ku cimulo ca winga wa Mwana wa mfwele.” Mungeli alundapo kulanda ati, “Yaa amazwi ya cumi yakwe Leza.”

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,