Umbwilo 17:3 - Amazwi Yakwe Leza 2013

³ Mupasi Wamuzilo antungulula, nga mungeli ansenda ku lwanga. Kuku akuno naweni mwanaci atenzi pa cilyanyi ciyenzu cino calemvilwepo mazina ya miponto kuli Leza. Cilyanyi cii cakweti mitwe cinimbali ni mpembe ikumi.

Umbwilo 17:3 Iomraidhean Croise

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

2 Yamwene 2:16

Alino yavwanga yati, “Lola, swe aomvi yako tukweti antu amakumi yasano, aonsi yamaka sana. Leka tufume tukulonda ukuli Eliya umusambazi wako, pano limwi Umupasi wakwe Yawe watiumutwala kumwi kuno ungaya ukamusye papela ya mwamba umwi nanti mu cifoloma cimwi.” Elisya nawe aasuka ati, “Awe mutaya kweneko.”

Lwimbo lwakwe Solomoni 8:5

Uzye aweni wilya akwiza akufuma mu lwanga, iyalemana makasa nu mukundwe wakwe? Umwisika lya muti umu apo nakuzyuzile. Kuku akuno nyonko wakusenzile umu ndilwa, akuno wene wakuvyalile.

Ezekelo 11:24

Pacisila Mupasi wakwe Yawe iunyemula nga untwala ku azya ku mpanga ya Babiloni. Vyonsi vii vyacitike umu cilolwa, ndi muno Mupasi wakwe Yawe wandanzile. Lyene cilolwa cino nakweti icipita,

Ezekelo 3:12

Mupasi ali pakunkatusya, na pacisila cane nuvwa impooma zya nkuta zikalamba wakwe cimwi ala zikuti, “Lumbanyini Yawe mucindami uwaya umwiyulu!”

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 7:20

Nakasi ukumanya ni vikumile impembe ikumi izyali pa mutwe wa cinyama cici nga ni vikumile ulupembe luze ulwatumvile icisila, luno lwaponyizye zyuze. Lwene lwakweti amanso nu mulomo uwalandanga vyakuitakizya. Lwali ulwakoofya ukuluta zyuze zyasyala.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Danieli 7:8

Lino ncili lolekesya impembe zizi, indola kalupembe kanono ala kakufuma apakasi ka mpembe zyuze. Kene ikatinkula impembe zizi izyalipo zitatu. Kalupembe kaa kakweti amanso wa manso ya muntu nu mulomo uwalandanga vyakuitakizya.

Mateo 27:28

Alino yamuzula vino wazwite, nga yamuzwika mwingila uyenzu,

Milimo 8:39

Lyene lino wafuma mu manzi, Mupasi wa Mwene usenda Filipo. Mutungwi nawe atamuweni nupya, lelo atwalilila nu lwendo lwakwe, azanga cuze.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.

Umbwilo 12:14

Mwanaci wapilwe maapa yaili yakwe lyang'anda kuti apapuke aye ku ncende yakwe mu lwanga. Mu amuno alasungwa ningo pa myaka itatu na citika, ukoopa kuti cizoka cingamonona.

Umbwilo 12:3

Nupya mwiyulu muloleka cimanyililo nacuze. Ndola cizoka cikulu cuze nupya ciyenzu cakweti mitwe cinimbali ni mpembe ikumi, nga ni ngala ya wene yali pali cila mutwe.

Umbwilo 12:6

Mwanaci nawe autukila ku lwanga, ku ncende ino Leza wamuteyanyizizye kuno wasunzilwe pa manda izimbi lyonga myanda iili na makumi mutanda (1,260).

Umbwilo 17:18

“Mwanaci wino wali walola ali musumba ukulu ukateeka yakateeka yonsi amu nsi.”

Umbwilo 17:4

Mwanaci wazwite nsalu ziyenzulukile zyamutengo, nupya wazwite tuyembelo twakwe zaabu, mawe yamutengo ayengese, nga ni mbela. Mwi kasa lyakwe walemile lwako lwakwe zaabu ulwazilemo ivya uwelewele vino vyafumile mu uzelele wakwe.

Umbwilo 18:12

Kusi umwi uwakukala zaabu, nanti siluva, nanti mawe amutengo ayengese, nanti mbela. Kusi umwi uwakukala nsalu zitiswe, nsalu ziyenzulukile na siliko ni nsalu ziyenzu, ni misango yonsi ya miti ya mununko usuma nga ni misango yonsi ya vintu ivyapangilwa ku mino ya nzovu, nga ni miti yamutengo na vyakwe safwali ni cela, ni iwe lya malibo,

Umbwilo 18:16

yalati, “Owee, we koofya we! Owee, we kwipa we, ku musumba ukulu! Wene wazwalanga nsalu zitiswe ni ziyenzulukile ni ziyenzu, nga nu kuiyemvya nu tuyembelo twakwe zaabu, na mawe amutengo ayengese, nga ni mbela!

Umbwilo 21:10

Mupasi Wamuzilo antungulula, nga umungeli ansenda nu kuntwala papela ya mwamba utali cuze. Alino andanga Yelusalemu, Musumba Wamuzilo, ula ukwika kufuma kwiyulu kuli Leza. Wene wayengesanga nu lulumbi lwakwe Leza.

Umbwilo 4:2

Lilyo kwene Mupasi Wamuzilo antungulula. Alino kuku kwiyulu indola cilimba ca wene na umwi atenzi penepo.