Umbwilo 16:2 - Amazwi Yakwe Leza 2013

² Alino mungeli wakwe conga aya apongolwela vyamu lweso lwakwe pa nsi. Lyene vilonda vyakoofya nupya viwaye viloleka pali yao akweti cimanyililo ca cilyanyi na pali yao apefile unkolanya wakweco.

Umbwilo 16:2 Iomraidhean Croise

2 Milandu 21:15

Alino wewe wemwisikulu uli nu kulwala indwala ya munda yipisye cuze, ino imakomelangako sile cila wanda, mpaka uwanda umwi amala ni vyamunda vyonsi visuke vikalongolokele pansi.’”

2 Milandu 21:18

Pacisila cakwe vii, alino Yawe waponyezizye Yolamu indwala yamu mala, ino itangapoziwa.

Masamu 78:26

Alino akatusya nu muza waku ufumondaka, nao umapunga, uku maka yakwe, waleta nu muza uwaku katutu.

Ezaya 3:17

icilaleka ukuti Yawe ayaletela yamuseela uku mitwe yao. Yawe alaleka yakwate amapala.”

Ezaya 3:24

Apali icinunu icisuma, palaya akafungo. Apanyepwanga umusipi, palaya umwando. Apali ulunyele ulutelepe, palaya ulukuzu. Apali insalu zyamutengo, palaya ulusamu. Apali ukuyemba kwa mwili palaloleka ivyawinyi ivyakuleta insonyi.

Milimo 12:23

Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.

Malango 28:27

Yawe alamuponyezya ivipute wakwe vino waponyizye pa ina Eguputo. Alalenga ni mili inu kupuuka ivilonda. Mulakwata impele izilamusanga wakwe cimwi, lelo kutalaya icakumupozya.

Malango 28:35

Yawe alalenga kuti ivilonda vipuuke konsi ku makulu inu, vinakasambo ivitalatala vipole, alino ni vipute ukutandikila sile ku tuntunta mpaka nu ku mitwe inu.

Malango 7:15

Yawe alamucingilila ku ndwala zyonsi. Wene atalamuletela indwala izyakoofya izili zyonsi wakwe zino mwailolile mu Eguputo, lelo wene alazileta pa anisi inu yonsi.

Umbwilo 13:12

Cene caomvizye maka aingi a cilyanyi ca kutandika pa manso yakweco. Cipatikizya insi na onsi akaikalamo kuti yapepa cilyanyi ca kutandika, cino cilonda caciko cakuleta imfwa calanga capola.

Umbwilo 14:16

Lyene wino uwatenzi pi kumbi apisya cikwakwa cakwe mu nsi, nga vilimwa vyamu nsi vizombolwa.

Umbwilo 14:9

Mungeli wakwe citatu alondela pa angeli yankolelo yaili, avwanga ni zwi likulu ati, “Wino wensi akapepa cilyanyi nu unkolanya wakweco nga nu kupokelela cimanyililo caciko pa usyu wakwe nanti pi kasa lyakwe

Umbwilo 16:1

Nupya nuvwa izwi likulu kufuma mu Ng'anda ikulu yakwe Leza, likulanda ku angeli cinimbali liti, “Pitini mukapongolole ngeso cinimbali zya ukali wakwe Leza pa nsi!”

Umbwilo 16:11

nga yavwanga mazwi ya miponto kuli Leza wa kwiyulu, pamulandu wa kuwaya kwa vilonda vyao. Lelo yatazenzwike nu kuleka miyele yao iipe.

Umbwilo 8:7

Mungeli wakwe conga alizya ntandala yakwe. Alino kwiza imvula ya citalawe nu moto uminkana nu wazi, ipongoloka pano pansi. Lyene ciputulwa conga mu viputulwa vitatu vya nsi cipya, ni ciputulwa conga mu viputulwa vitatu vya miti, nga na mafwa ni sote lisi vyonsi vipya.

1 Samueli 5:6

Alino lyene Yawe avunuka aina Asyidodi wakwe cimwi nu kuleka yuvwe intete sana. Wene wayavunwike apakuyaponyezya ivipute kumwi na antu amu tumisumba tonsi utwazingulwike.

1 Samueli 5:9

Lelo pacisila lino yaitwala kuku, Yawe nawe avunuka aikazi amu musumba ulya, ance na ikolo kwene, ayaponyezya ivipute.