Umbwilo 16:1 - Amazwi Yakwe Leza 2013

¹ Nupya nuvwa izwi likulu kufuma mu Ng'anda ikulu yakwe Leza, likulanda ku angeli cinimbali liti, “Pitini mukapongolole ngeso cinimbali zya ukali wakwe Leza pa nsi!”

Umbwilo 16:1 Iomraidhean Croise

Masamu 79:6

Sungala usokele antu ya mitundu yuze, yayo asikupepa, na yano yakana uku kuyela,

Yelemiya 10:25

Twala ukali wako ku antu amu mutundu uno usikupepa, na pa antu yano yakukana. Yene yakoma antu yako. Yene yatonona yatumalilila, nu kusya impanga itu ivitalang'anda.”

Ezekelo 10:2

Alino Leza anena umuntu uwazwite insalu zisuma ati, “Yanga mu mipeto ilya ikuzinguluka, ino ili mwisika lyakwe yakelubi, kapalemo umoto, uzuzye umu makufi. Nga lyene uye ufume ukutandanya mu musumba.” Awe nawe aya kweneko, ala nkuilolela nu kuilolela na manso yane.

Ezekelo 22:31

Fwandi nemo ndayafulumila ukali wane nu kuyonona ndi vino umoto ukacita, pakuti nkayafulule pamulandu wa vintu vino yacita. Ivyalanda ne Yawe Simwandalali.”

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Umbwilo 14:15

Alino mungeli afuma mu Ng'anda ikulu yakwe Leza nga apunda ni zwi likulu kuli wino uwatenzi pi kumbi ati, “Tola cikwakwa cako uciomvye mu kuzombola, pano insita yatifika. Vilimwa vyati vica kulingana nu kuzombolwa!”

Umbwilo 14:18

Lyene kwiza mungeli muze wino ali na maka pa moto wino wafumile ku kavuwa. Alino apunda ni zwi likulu ku mungeli wino wakweti cikwakwa cikali ati, “Tola cikwakwa cako ciomvye mukuputula matingi mu calo ca matingi ca mu nsi, pano matingi yati yaca!”

Umbwilo 15:1

Nupya ndola cilangililo cikulu cakuzunguka nacuze mwiyulu. Angeli cinimbali yaloleka ala yakweti vilumbelo cinimbali. Vilumbelo vii ivyakusyalikizya, pano amuno ukali wakwe Leza wasilila.

Umbwilo 16:17

Nupya mungeli uwalenga cinimbali apongolwela vyamu lweso lwakwe mu lwelele. Izwi likulu lifuma mu cilimba ca wene mu Ng'anda ikulu yakwe Leza liti, “Cati cicitwa!”

1 Samueli 15:18

Aliwe kwene uwakutumile nu kukukonkomezya ati, ‘Pitanga ukonone antu yalya aipe, aina Amaleke. Ukayalwisye nu kuyakoma yonsi pyu uyalovye.’

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”