Umbwilo 14:7 - Amazwi Yakwe Leza 2013

⁷ Alino avwanga ni zwi likulu ati, “Oopini Leza nu kulumbanya ukulu wakwe! Pano insita yatifika yakuti wene apingule antu! Pepini wino uwaumvile iyulu ni nsi, yemba nu tufukoka twa manzi.”

Umbwilo 14:7 Iomraidhean Croise

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Masamu 115:15

Yawe sangala amupolelele, wiyo uwaumvile iyulu ni nsi!

Masamu 124:8

Uwazwilizyo witu waya ukwi zina lyakwe Yawe, wiyo uwacisile iyulu ni nsi.

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

Masamu 36:1

1 Uyi ukalyolyosya umuntu umu mwenzo wakwe, cakuti wene kusi nu kusakamala kuli Leza nanti ukumukwatila icoopo.

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Masamu 95:5

Yemba uwakwakwe, pano aliwe wamupanga. Impanga nayo, iminwe yakwe iliyo yaumvile.

Kufuma 20:11

“Pano Nene, ne Yawe, naumvile insi, iyulu, na yemba, nga na vyonsi vyayamo mu manda mutanda. Lelo pa wanda uwalenga cinimbali, impuuza. Acino ne Yawe napaatwile nu kupolelela uwanda wi Sabata ukuya uwamuzilo.

Ezaya 40:3

Amazwi yakuvwika yakuti, “Zifini umuseo umwakupita Mwene umu lwanga! Olololini inzila zyakwe Leza mu matololo.

Ezaya 40:6

Izwi lyuvwika iliti, “Laizya.” Nga nani inuzya inti, “Uzye namalaizya cani?” Izwi lili nalyo ilinena iliti, “Laizya ukuti antu yonsi icili conga ni sote. Ukuyemba kwao kwakolana na maluwa ya mpanga.

Ezaya 40:9

Kwela apapela apa mwamba utali, we nkombe yakwe Yelusalemu. Yanga kasalanganye ilandwe lisuma! Usanzule ni izwi apa kusalanganya ilandwe lya nsansa mu Zioni. Utoopa foo apa kusanzula izwi, unene imisumba ya Ayuda uti, “Leza winu awiyo akwiza.”

Ezaya 42:12

Lekini yalumbanye Yawe, nu kumutakizya umu mpanga zyakutali.

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Ezekelo 7:2

“We mwana wa muntu vwanga uti, Yawe Simwandalali wanena impanga yakwe Izlaeli ukuti awe lyene casila, lyene ali kusila kwa mpanga yonsi.

Ezekelo 7:6

Awe lyene casila, casililikila sile! Mwemo mwala mwapelelwa.

Danieli 8:19

Alino avwanga ati, “Nkukulanga vino ivilatumbuka mu ukali wakwe Leza vilaya. Icilolwa cikumile insita iyasontwa yampelelekezyo.

Oseya 8:1

Yawe akuti, “Lizini intandala! Anisi yatiyuwa apa mpanga yane wakwe lyang'anda apapela pa nyama. Antu yane yavuna upangano wane, nu kusangukila amalamulo yane.

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Mateo 25:13

Caleka pempulini pano mutamanyile uwanda nanti kasita.”

Luka 17:18

Uzye icani cino yene yatawezile nu kwiza taizya Leza suka sile mwinamasi wii?”

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Yoswa 7:19

Lyene Anena Akani ati, “Uwi mwanane, sungala ulande icisinka pa manso yakwe Yawe Leza wa ina Izlaeli nga wemwisikulu uilongwele kunoli. Unene sile vino watucita, utezya umfise nanti kamwi.”

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 11:18

Antu atakuzumila yali ni cipyu lelo insita ya ukali wako yatifika. Ii ili nsita yakuti afwe yapingulwe. Insita yatifika ya kupeela vilambu ku yaomvi yako, yakasema nu ku antu yako yonsi yano akucindika, akulu na anono kwene. Insita yatifika ya konona yao akaonona insi!”

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

Umbwilo 16:9

Antu yapya ni cikaililwa cikali cuze, nga yavwanga mazwi ya miponto kuli Leza wino uwakwata maka pa vilumbelo vii. Lelo yatazenzwike ku maifyo yao kuti yalumbanye Leza.

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”

Umbwilo 18:17

Lyene wataponzya vyuma vyakwe vyonsi muli aawa wenga!” Intunguluzi zyonsi zya mato akulu na alendo, yakapita amu mato nga na antu yauze yonsi yano yakalonka pali yemba, yonsi kwene iimilila patali,

Umbwilo 18:19

Yaiswela na masenga pa mitwe yao, yalila nu kulosya, yati, “Owee, we koofya we! Owee, we kwipa we ku musumba ukulu! Wene uli musumba ukulu uno onsi akwata mato akulu akapita pali yemba yalenzilwe kuya akama pa vyuma vyauko! Lyene wene waponzya vyonsi muli aawa wenga!”

Umbwilo 19:5

Alino ku cilimba ca wene kufuma izwi liti, “Lumbanyini Leza mwe aomvi yakwe mwensi pamwi na antu yakwe onsi, anono na akulu kwene, mwe muno mukamucindika!”

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Umbwilo 4:9

Viumbwa vyaumi vini vyapelanga lulumbi, mucinzi nga nu kutaizya wino uwatenzi pa cilimba ca wene, wino uwaya nu umi manda pe.

Umbwilo 8:10

Alino mungeli wakwe citatu alizya ntandala yakwe. Lutanda lukulu cuze luno lwakanga kwati inyali nalo lupona kufuma mwiyulu, nga luponela pa ciputulwa conga mu viputulwa vitatu vya nguzi nu tufukoka twa manzi.

1 Samueli 6:5

Mulinzile mwapanga unkolanya wa vipute na wakwe yakuza yano yakonona impanga, nga mucite umucinzi kuli Leza wa ina Izlaeli. Kusuka manye wata ukumucuzya nu kucuzya tuleza twinu kumwi ni mpanga inu.