Umbwilo 14:11 - Amazwi Yakwe Leza 2013

¹¹ Cunsi ca moto uno ulayoca cilakwela mupela manda pe. Kusi upemwilo musanya nu usiku kuli yao akapepa cilyanyi nu unkolanya wakweco, nga nu ku muntu wensi akweti cimanyililo ci zina lyaciko.”

Umbwilo 14:11 Iomraidhean Croise

Utandiko 19:28

Nga asumba manso pali Sodoma na Gomola nu mu cifoloma nga alola icunsi kwati cikufuma umwi lungu.

Masamu 10:16

Yawe ali kateeka wa pee na pee. Yayo akapepa tuleza tuze yalalowa umu mpanga yakwe.

Masamu 145:1

Namalandanga ukulu wako, we Yawe Leza wane, nupya ndalumbanya ni zina lyako amanda yonsi.

Kufuma 15:18

We, Yawe wewe mwene amanda pe.”

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Ezaya 34:10

Impanga ilaapya usiku nu musanya ni cunsi citalatala cite ukusuuka mwenemo. Impanga ilayelelela pee iyononeke. Mutalaya umuntu wino alatala apite mwenemo.

Ezaya 34:8

Ilaya ili nsita ino Yawe alapususizyamo Zioni, nu kulandwilapo anisi yakwe.

Ezaya 57:20

Lelo antu aipe yakoline na yemba akasunkana, wino amaimbi yasitala yata kutengana, yano yakavundula amatipa ni ntikitili.

Danieli 3:6

Umuntu ali wensi wino asikufukamila nu kupepa iciluwi cakwe zaabu amasumbwa zuwazuwa mwi lungu lya moto.”

Yowelo 2:30

Ndacita ivinjelengwe umwiyulu nga ni vilangililo pano pansi, kulaya uwazi, umoto, ni cifutika ca cunsi.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Malango 28:65

Mutalatala muzane umutende ukuli konsi, nanti kukwata uwikalo uwakwinu. Kuku kwene akuno Yawe alamulenga ukukwata intete, mulaponzya upaalilo, nupya mulatovoka.

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 13:12

Cene caomvizye maka aingi a cilyanyi ca kutandika pa manso yakweco. Cipatikizya insi na onsi akaikalamo kuti yapepa cilyanyi ca kutandika, cino cilonda caciko cakuleta imfwa calanga capola.

Umbwilo 13:15

Cilyanyi cakwe ciili cazumiliziwe kuputa mupu uno ukapeela umi mu unkolanya wa cilyanyi ca kutandika, kuti unkolanya ungalanda nu kukomisya yao yonsi akukana ukucipepa.

Umbwilo 13:17

Kusi umwi wakuti akale nanti akazye suka sile ndi akweti cimanyililo cii, kuli kuti izina lya cilyanyi nanti mpendwa ino ikwimilila izina lilyo.

Umbwilo 14:9

Mungeli wakwe citatu alondela pa angeli yankolelo yaili, avwanga ni zwi likulu ati, “Wino wensi akapepa cilyanyi nu unkolanya wakweco nga nu kupokelela cimanyililo caciko pa usyu wakwe nanti pi kasa lyakwe

Umbwilo 18:18

yapunda lino yalola cunsi cikufuma mu vimbilimbili vino vyamocanga, nga yavwanga yati, “Kutatala kwaya musumba ukulu nauze wa musumba uu ukulu!”

Umbwilo 18:9

Yakateeka amu nsi akumileko ku uzelele nu lwiswa lwakwe yalakuta nu kulilila musumba lino yalola cunsi kufuma ku cimbilimbili ca moto ulayoca.

Umbwilo 19:3

Nao yapunda nupya yati, “Aleluya! Cunsi cikufuma ku cimbilimbili ca moto uno ukoca musumba ukulu cikukwela papela manda pe!”

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Umbwilo 7:12

“Ameni! Kulumbanyiziwa, lulumbi, mano, kutaizya, mucinzi, maka nu ulamba vyonsi ivyakwe Leza witu manda pe! Ameni!”