Umbwilo 11:5 - Amazwi Yakwe Leza 2013

⁵ Umuntu umwi ndi wezya kucisa yakambone yaa yaili, umoto ulafuma mu milomo yao nu konona anisi yao. Mu musango uli onga kwene, wensi alezya kuyacisa wene alakomwa.

Umbwilo 11:5 Iomraidhean Croise

Masamu 18:8

Umu mpuno zyakwe imwasuka ni cunsi, mukanwa kakwe namo imufuma icimbilimbili ca moto, icikaisye icinyesula nu munyeswa.

Ezaya 11:4

Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Yelemiya 1:10

Ilelo nakupeela amaka pa mitundu na pali yamwene yayo, amaka ya kutukulula nu kuongolola, amaka akonona nu kulovya, akukuula nu kulema.”

Yelemiya 5:14

Acino Yawe avwanga kunondi ati, “We Yelemiya, pamulandu wakuti antu yaa yatiyavwanga ivintu vyamusango ndi uu, nemo ndaleka amazwi yane yaye wa moto umu tunwa twao. Nupya antu yaa yalaya wa nkwi, nga nu moto ulayoca mpaka yalokote.”

Ezekelo 43:3

Icilolwa cino naweni cali wa cilolwa cino naweni lino wene wizile ku konona umusumba wa Yelusalemu. Nupya cali wa cilolwa cino naweni pipi nu Luzi lwa Kebali. Lyene impona pansi, ala mfupime.

Oseya 6:5

Acino nemo namutumile yakasema yane, kuti yize yamunene ilandwe lyane lya uputuzi nu kononwa. Cino nkasi kuti mucite cili apaswe nupya icangupale ukuuvwa.

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Zakaliya 2:8

Ali wensi uwazanza mwemwe ala wazanza icintu ca mutengo ukulu cuze kunondi.” Acino Yawe Wamaka yonsi uwantumile ku nko zino zyasamfile ivyuma vya antu yakwe kuti nkazinene inti,

Umbwilo 13:13

Cilyanyi cii cakwe ciili cicita vinjelengwe vikulu cuze. Cileta umoto pano pa nsi kufuma mwiyulu na antu yonsi yala yakulola.

Umbwilo 9:17

Mu cilolwa cino nakweti naweni imfwalasi pamwi na yao akwezilepo, yene yazwite vicingo vya vyela pa vifuwa vyao vyalolike viyenze wa moto, vifitulukile wa mfisya nupya wa mitulwatulwa. Mitwe ya mfwalasi izikoline wa mitwe yakwe yacisama, nu mu milomo yaziko mwafumanga umoto, icunsi, na maluti.