Umbwilo 1:8 - Amazwi Yakwe Leza 2013

⁸ “Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 1:8 Iomraidhean Croise

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 28:3

Si Mwene Leza Wamaka yonsi akupolelele akupeele nu uvyazi uce usanduluke uye imitundu ingi!

Utandiko 35:11

Nupya Leza ati, “Nene Leza Wamaka yonsi. Mulinzile kuvyalana muvule. Inko izingi zilafuma munuli, nga ulaya cikolwe ca ene.

Utandiko 43:14

Si Leza Wamaka yonsi angalenga umuntu wiyo akaye na mizu panomuli, pakuti akamuwezezye munyonko wino wasyala pamwi na Benjamini. Lyene nemo ndi ukufwilwa kwa ana, kaciye vivyo kwene usi mulandu.”

Utandiko 48:3

Yakobo anena Yosefu ati, “Leza Wamaka yonsi walolike kunondi lino wampolelile ku Luzi mu mpanga ya Kenani.

Utandiko 49:25

A Leza wakwe so akakwazwa, Leza Wamaka yonsi akakupolelela akalenga kuti imvula iyatonya mu vyalo vyako akalenga kuti tufukoka tuye na manzi. Akalenga kuti uye ni ng'ombe na ana avule.

Kufuma 3:14

Leza anena Mose ati, “Naya vino naya. Ulinzile ukuyanena uti, ‘Wino akaamwa ukuti Naya vino naya, uwatantuma kunomuli.’ ”

Kufuma 6:3

Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.

Ezaya 41:4

Aweni fwandi akalenga ukuti ciye vii? Aweni akalenga ukuti imikulo ya antu iye penepo ukufuma sile nu ku katalili? Anene ne Yawe naliko ukufuma nu ku katalili. Anene ne Yawe alayako ukufika na pa mpela ya vintu vyonsi.

Ezaya 43:10

Ala mwe ina Izlaeli mwe, mwemwe muli yakambone yane. Anene namusolwile kuti muye aomvi yane, pakuti mungamanya nu kunzumila, nu kumanya ukuti nene indi Leza nenga mpo. Inkolelo yane kutatala kwapangwa leza muze, nupya kutalatala kuye muze.

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Ezaya 48:12

Yawe wavwanga wati, “Uvwini kunondi, mwe amu mupanda wakwe Yakobo, mwemuno naama. Anene Leza wilya kwene. Nene wankolelo nga nu wakusyalikizya.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Mpendwa 24:4

Usemo kuli wiyo akauvwa amazwi yakwe Leza. Akalola cino Leza Wamaka yonsi wamulanga. Wino akakunkula, nga na manso yakwe yayulika.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 11:17

yati, “We Mwene Leza uwa maka onsi, we muno ulipo nupya uwalipo! Twakutaizya pano watupoka maka yako nu kutandika kuteeka!

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.

Umbwilo 21:22

Lelo mu musumba ntawenimo Ng'anda ikulu yakwe Leza, pano Mwene Leza Wamaka yonsi nga nu Mwana wa Mfwele ali Ng'anda ikulu iyaya mwenemo.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 22:13

Nene Alufa na Omega kuli kuti utandiko nu umalilo.”

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”