Umbwilo 1:5 - Amazwi Yakwe Leza 2013

⁵ Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 1:5 Iomraidhean Croise

Masamu 51:2

Mfumizye impulupulu zyane zyonsi pyu.

Masamu 72:11

Yamwene yonsi sile yalukufukankila kunoli, na antu yonsi amu mitundu yalukumuombela!

Masamu 89:27

Wene ali yeli lyane, umukulu pali yamwene yonsi apano nsi.

Mapinda 14:5

Kambone wacisinka akalanda icumi lyonsi kwene, lelo kambone waufi wene akatumpoka monsi muno akulondela.

Ezaya 55:4

Lola ninkucita kambone wa mitundu, intunguluzi na kateeka wa mitundu.

Danieli 2:2

Acino umwene atuma akuya aama amamanyamano, yakasapoola, alozi na yayo akasambilila vikumile intanda kuti yize yamunene iciloto cino walosile. Lino yene yiza yimilila inkolelo ku mwene,

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Aina Levi 13:58

Ndi cakuti wafula icintu cico, lyene civuvume cafumapo, alinzile ukufula insalu iyo nupya, ale yaya iswepe, isi yamifitalila.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Yoane 13:1

Kwasile sile uwanda onga kufika ku kuzevya kwa Cimulo ca Ucilo. Yesu wamanyile vino kasita kati kafika ka kufuma mu nsi kuya kuli Isi. Pano insita zyonsi watemilwe akwakwe yano ali mu nsi. Wene wayatemilwe cuze.

Yoane 13:34

Ndakai namupeela isunde lipya lyakuti mwatemwana. Ndi vino nani namutemwa, avino namwe mulinzile kutemwana.

Yoane 15:9

Nemo namutemwa ndi vino Tata wantemwa. Ikalini mu kutemwa kwane.

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Yoane 3:11

Cumi, nakunena vino swemo tukavwanga cino twamanya, nupya tukalanda cino twalola. Lelo kusi umwi uwa munomuli akataila umboni witu.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Yoane 3:32

Wene akapeela umboni pali vino walola nu kuvwa, lelo pasi umwi akataila umboni wakwe.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Milimo 26:23

Yavwanzile ukuti Klistu, Katuula uwalavilwe alinzile kucula nu kuya uwankolelo kuzyukuka kufuma ku mfwa, kuti alete luswepo lwa ufyusi ku Ayuda nu ku Akulukuwa.”

Loma 3:25

Leza wamutumile Klistu kuya impolelwa kuti mu mfwa yakwe amuno maifyo ya antu yangelelwa pa kutaila munoli. Leza wacisile vii pa kulanga ukuti wene mololoke. Mpiti Leza watekanga umwenzo nu kusulako ku maifyo yano antu yacitanga.

Loma 8:37

Lelo mu vintu vii vyonsi tukweti kucimvya mu maka yakwe Leza wino watutemwa.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Efeso 2:4

Lelo luse lwakwe Leza lwavulisya cuze, nga nu kutemwa kuno watutemwa nako ukukulu cuze,

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Malango 18:2

Yene yatalinzile yakwate impanga, ndi vino imitundu yuze yakwata. Yawe ali cipande cao, wakwe vino wene wayalavile.

Malango 23:5

Lelo Yawe Leza winu wakanyile ukuvwa intipu zyakwe. Mucifulo cakwe cico wene wasenwile intipu kuti zingaya upolelelo, pamulandu wakuti Yawe Leza winu watemwa mwemwe.

Malango 7:8

Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

Kolose 1:18

Wene ali mutwe wa mwili wakwe, nga mwili kwene uu, iuvi. Wene ali ntulo ya umi wa mwili. Wene ali yeli lyakwe Leza nupya uwazyukwike kufuma ku mfwa, pakuti aliwe wenga sile akwate cifulo cankolelo pali onsi.

1 Timoti 6:13

Nkukupeela ilamulo pa manso yakwe Leza, wino akapeela umi ku vintu vyonsi, nga na pa manso yakwe Klistu Yesu, wino pakupeela umboni pa manso yakwe Pontio Pilato walanzile cumi cico. Nakunena ukuti

1 Timoti 6:15

Klistu alaloleka pa nsita ino Leza wateyanya, Leza uwapolelelwa wenga sile ali kateeka. Wene Akateeka wakwe yakateeka nupya Mwene wakwe yamwene onsi.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

1 Petulo 1:19

Lelo yene uwazi wamutengo wa mpolelwa yakwe Klistu, wino wakoline wa mwana wa mfwele uwaula indema nanti iyala.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.