Umbwilo 1:16 - Amazwi Yakwe Leza 2013

¹⁶ Wene walemile intanda cinimbali mwi kasa lyakwe lilunji, nga mu mulomo wakwe mufuma lupanga lukali koili. Nu usyu wakwe wali suyengese wi lanzi lyafika mutwe papela.

Umbwilo 1:16 Iomraidhean Croise

Yobo 38:7

Lino intanda zyapa macaca zyumilanga utupundu capamwi, na angeli yonsi yakwe Leza yamuwanzizye capamwi ni nsansa.

Masamu 45:3

Kwapila ulupanga lwako, we lumba lya maka. Wemo wakwatisya amaka, nupya wacindamisya!

Lwimbo lwakwe Solomoni 6:10

Uzye aweni wilya akwiza wi lanzi lyapa macaca? Wene wayemba wa mwezi, akayengesa wi lanzi, uwakoopa wa vita ivicenjemile ni vyanzo.

Ezaya 11:4

Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

Ezaya 49:2

Wene waleka na kanwa kane kuti kaye akakalipisye wa lupanga, nupya umweneco aliwe amansunganga. Wancita wa luceto ulusongole, wamfisa nu munyambi yakwe.

Danieli 12:3

Antu akwata amano nayo yalaengesa wa kuswepa kwa mwiyulu, nga na yayo asambilizya antu avule ukucita ivisuma yalaengesa wa ntanda amanda pe.”

Danieli 8:10

Lwene lwalundulwike ukuya na maka akulwisya amwiyulu, intanda kwene izisikulu, mpaka ilusumba zimwi pansi nu kuzilyatola.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mateo 17:2

Lyene yalola Yesu wakaoka, ni cinso cakwe ciyengesa cuze wi lanzi, nga ni vizwalo vyakwe viyengesa viya vitiswe wa luswepo.

Milimo 26:13

Cali mu nzila, Mwene wa kwisaci, lino ilanzi lyafika umutwe papela indola luswepo luyengese kuluta ilanzi lufuma mwi yulu, lunzinguluka pamwi na yano twali nao.

Efeso 6:17

Pokelelini ufyusi, uye wa ngowani, nga na mazwi yakwe Leza yano Mupasi Wamuzilo akamupeela, nayo yaye wa lupanga.

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”

Umbwilo 10:1

Nupya ndola mungeli namuze uwa maka ala akwika kufuma mwiyulu. Wene wakufilwe mwi kumbi nu mulalamfuti wazingulwike mutwe wakwe. Cinso cakwe calolike wi lanzi, ni ngazo zyakwe zyalolike wa cimbilimbili ca moto.

Umbwilo 12:1

Nupya mwiyulu mwalolike cimanyililo cikulu. Mwalolike umwanaci wino cizwalo cakwe cali ilanzi. Mwezi wali pisika lya ngazo zyakwe, na pa mutwe wakwe pali ingala ya wene ya ntanda ikumi na zili.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 19:21

Vita vyao vyakomilwe nu lupanga luno lwafumile mu mulomo wakwe wino uwakwezile pa mfwalasi. Vyunyi vyonsi vyalile vyala vyao viikuta.

Umbwilo 2:1

“Lemba ku ntunguluzi yakwi uvi ku Efeso uti, “Lii ilandwe kufuma kuli wino alemile ntanda cinimbali mwi kasa lyakwe lilunji nupya wene akapita pakasi ka vyakutekapo inyali cinimbali.

Umbwilo 2:12

“Lemba ku ntunguluzi yakwi uvi ku Pegamu uti, “Lii ilandwe kufuma kuli wino uwakwata lupanga lukali koili.

Umbwilo 2:16

Acino ndakai zenzukini. Ndi mutazenzwike, ndiza zuwa kunomuli nu kulwisya antu yao ku lupanga luno lukafuma mu mulomo wane.

Umbwilo 3:1

“Lemba ku ntunguluzi yakwi uvi ku Sadisi uti, “Lii ilandwe kufuma kuli wino uwakwata mipasi cinimbali yakwe Leza nga ni ntanda cinimbali. Namanya vino ukacita na vino antu yakati wewe mumi lelo wewe mufwe!

Yakapingula 3:16

Eudi waisulile na calimwi ulupanga ulunyolwe konsikonsi, nupya ulwatalimfile ukulingana mita wenga. Awe alunyepelela lwa kwi lunji lyakwe avimbilikizyapo ningo ni laya lyakwe.

Yakapingula 5:31

Acino we Yawe sungaleka anisi yako yonsi yafwe, lelo sungaleka yacuza yako yaengesa wa kutunka kwi lanzi! Nga mu mpanga ilya mwali umutende pa myaka amakumi yani.