Oseya 2:3 - Amazwi Yakwe Leza 2013

³ Ndi cakuti atacisile cico, ale lyene ndamuzula, pakuti aikale tupu ndi vino wali lino wavilwe. Ndaleka aye wa lwanga, nupya alaya wa musili uumalale, nga ndamukoma ku lusala.

Oseya 2:3 Iomraidhean Croise

Kufuma 17:3

Lelo antu yali nu lusala cuze nga yatwalilila kuilizyanya kuli Mose yati, “Uzye pacani cino watufumizye mu Eguputo? Uzye walondanga kuti utukome nu lusala, sweswe, ana itu, nga ni viteekwa vitu vwile?”

Ezaya 33:9

Impanga ikulosya nu kucululuka. Lebanoni watalemwa ni nsonyi, watafoota. Cifoloma civunde caku Syaloni cili wa lwanga. Umu Basyani nu mu Kalimeli amafwa yatiyapululuka.

Ezaya 47:3

Ali pakuti antu yakulole tupu, ni nsonyi kazikuleme wakwe cimwi. Nemo nkulandula sile, nu wakundesya kusi.”

Ezaya 64:10

Imisumba yako yamuzilo, lyene ili ntangali ntangali, amatongwa sile. Alino nu mu Yelusalemu kwene musile ivitotela vitupu.

Yelemiya 12:10

Yakateeka aingi amu mpanga zyuze yatiyonona icalo cane ca matingi. Impanga yane ino itaizipila yatiyaisangula wa lwanga.

Yelemiya 13:22

Lino mulaayuzya mweisikulu muti, “Uzye pacani cino icintu cii catuponela?” Ala apamulandu wa maifyo inu aingi ali cino yalepolela insalu apa kumuzula nu kumulema apa maka?

Yelemiya 13:26

Yawe Leza umweneco aliwe alamuzula insalu, tale mukafyatoka tupu mukuvwe ni nsonyi.

Yelemiya 14:3

Akama yakutuma aomvi yao ku kuyatapila amanzi, nayo akula yaya ku vifula, yazana mu vifula musi amanzi. Lyene nayo ali pakuweluluka kweneko ni nsembo umwaula amanzi. Cintu cii iciyatovola nu kuyavulunganya, cakuti yavimba insalu apa manso.

Yelemiya 17:6

Wene wakolana sile ni cipupa camu lwanga, atangalola ulongo lino lukwiza. Wene alikala umu ncende iyumalale, umu ncende ya cicelecele isiikalwamo. Kusi nanti cimwi cisuma icikatala cimucitikila.

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Yelemiya 22:6

Pano vii ali vino Yawe walanda pamulandu wi sano lya mwene waku Yuda ati, “Nanti angala lyene lili wa mpanga ya Gileadi nanti wa myamba yaku Lebanoni, ku kuzipa, lelo ndalicita ulwanga, umusumba umutanga mwikale umuntu.

Yelemiya 4:26

Nalolekesya, indola impanga ivunde yatisanguka ulwanga. Imisumba iyali mwenemo yatisyala ivitotela, apamulandu wa ukali wakwe Yawe.

Yelemiya 51:43

Imisumba yamu Babiloni kusi angatemwa ukuilola. Yene ili sile wa lwanga umutaya amanzi, umutange mwikale umuntu, umutangapita nu mwana wa muntu.

Yelemiya 51:5

Pasi pano ne Yawe Wamaka yonsi, ne Leza wao, ntatazyela Izlaeli nanti Yuda, nanti angala yene yifya kunondi, ne Wamuzilo wilya wakwe Izlaeli.

Ezekelo 16:22

Apa kasita konsi kaa kano wikalila nu kucita ucizelele, icumi usitala uwikale pansi nu kwiusya vino waviilwe, na vino walaangananga sile umu wazi wa mbuza, na vino wapitanga tupu umu wance wako.”

Ezekelo 19:13

Nga alino lyene iulemwa mu lwanga, mu mpanga iyumalale ndi, umutaya amanzi.

Oseya 13:15

Nanti angala aina Izlaeli yakukula ningo wa vikona, ndatuma umuza ukaye waku kayeya, uno ulafuma mu lwanga nu kwiza kamya utufukoka kumwi ni vifula vya manzi. Anisi yalonona icuma cakwe ca mutengo ukome.

Oseya 2:10

Caleka ndakai namamusya tupu pa manso ya akambwe yakwe. Kusi umuntu nanti wenga alamufumya mu makasa yane.

Umbwilo 17:16

Mpembe ikumi zino wali walola ni cilyanyi vilapata cizelele. Vilamupoka vyonsi vino wakwata nu kumusya tupu. Vilalya munyefu wakwe nu kumoca mu moto.

Yakapingula 15:18

Lyene Samusoni auvwa ulusala wakwe cimwi, nga alaizya kuli Yawe ati, “Watupela umuzya wako ucimvyo uu ukulu. Uzye lyene imfwe ku lusala nu kupelwa mu makasa ya antu atasilamulwa?”