Obadiya 1:16 - Amazwi Yakwe Leza 2013

¹⁶ Antu yane yalamwela umu lwako luwaye pa mwamba wane uwamuzilo, lelo imitundu yuze iya antu ili nu kumwela mu lwako uluwaisye ukuluta, alino lyene yalowe nu kulowa.

Obadiya 1:16 Iomraidhean Croise

Ezaya 42:14

Leza walanda wati, “Patalimpisya pano nikalila cele, ukwaula kuti nasuke antu yane. Lyene insita yatifika yakuti nacitilapo ivintu. Inkuteta wa mwanaci wino ali pipi nu kulela, nupya nemo nkufuteeka sile.

Yelemiya 49:12

Vii ivyalanda Yawe, wati, “Yano yasi nu kumwa mu lwako, yali nu kumwa lyene. Uzye wemo wati wewe ungasyala kwaula kuvunukwa? Utalatala uleuke ukali foo, nawe kwene suka sile ukaumwe.

Nyimbo zya ndosya 4:21

Sansamukini, zangini mwe antu amu Edomu mwe ikazi yamu Uzi, ponsi pano mutemilwe. Lelo namwe kwene uzanzo ulamuponela nga yalamupisya tupu, ni nsonyi zilamulema.

Yowelo 3:17

“Alino mulamanya ukuti nene, ne Yawe, Leza winu, ne muno nkaikala ku Zioni, umwamba wane uwamuzilo. Umusumba wa Yelusalemu ulaya uwamuzilo nga ainamasi yatalatala yauzanze nupya.

Habakuku 1:9

“Impuka yao ya ulwi ikwiza icikalale, nga nu muntu wensi akuzakaza lino impuka iyo itali ifike. Afungwa yano yene yalema yavula wa musensenga.

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?