Neemiya 8:16 - Amazwi Yakwe Leza 2013

¹⁶ Caleka antu nayo yasalangana umu mpanga. Yaweluluka ni misambo ya mafwa yasakilizya insakwe, cila muntu apipaala lyakwe, pa musolo wakwe, pa musolo wakulilizya Ng'anda ikulu yakwe Leza, apa mulyango wa Mpongolo ya Manzi nga alino napa wingililo wa mpongolo yakwe Efulemu.

Neemiya 8:16 Iomraidhean Croise

2 Samueli 11:2

Uwanda umwi ku manguzi, Davidi akatuka pa musanzi wakwe afuma akulyatoka apipaala li sano lyakwe. Lino ali apipaala, alola umwanaci akufulala. Umwanaci wilya wali umuyembe wakwe cimwi.

2 Yamwene 14:13

Yeoasyi alema na Amaziya umwene waku Yuda, umwana wakwe Yoasyi, umwana wakwe Aaziya nu kumutwala ku Yelusalemu. Alino Yeoasyi aya aomola ni linga ilyacingilile umusumba wa Beti Syemesyi, lino mu uutali lyali amamita imyanda iili, ukutandikila apa mpongolo yakwe Efulemu ukuyafika apa mpongolo ya cinkonci.

2 Milandu 20:5

Alino Yeosafati aimilila apa nkolelo yi umba lya Ayuda aku Yelusalemu umu Ng'anda ikulu yakwe Yawe pa ncende ipya.

2 Milandu 33:5

Umu misolo iili iyamu Ng'anda ikulu yakwe Yawe namo akuula mwenemo tuvuwa twa kupepelapo intanda.

Neemiya 12:37

Ukutandikila ku Mpongolo ya Kafukoka yatumbela pa masitepu akuya uku Musumba wakwe Davidi, yaya yapuzya pi sano lyakwe Davidi, nga yaswilila ukwi linga yafika pa Mpongolo ya Manzi, lwaku ufumondaka wa musumba wa Yelusalemu.

Neemiya 12:39

Kufuma papa twiza tupuzya pa Mpongolo yakwe Efulemu, Mpongolo ya Yesyana, Mpongolo ya Nswi, pa Lupungu lwa Hananeli, pa Lupungu lwa Myanda, mpaka kufika nu ku Mpongolo ya Mfwele. Pakumalila itufika ku Mpongolo yakwe Yakalinda.

Neemiya 3:26

Ukwika penepo na aomvi aku Ng'anda ikulu yakwe Leza, aikalanga pa mwamba wa Ofeli. Yene yazifizye imbali yuze mpaka uku ncende iyali ulunga ni Mpongolo ya Manzi, ukuya lwaku ufumondaka mpaka nu ku lupungu lutali cuze.

Neemiya 8:1

Umu mwezi uwalenga cinimbali aina Izlaeli yonsi pyu iyakongana pamwi kwati akwe nyina wenga, apa nkolelo ya mpongolo iyamwangwa ukuti Mpongolo ya Manzi, uku Yelusalemu. Nga alino iyuzya Ezila nga kalemba na simapepo, kuti alete ulupapulo lwa masunde yakwe Mose yano Yawe wapile aina Izlaeli.

Neemiya 8:3

Papa kwene apa nkolelo ya Mpongolo ya Manzi, apano watankamala, watandika nu kuwelengela iuvi mu Lupapulo lwa Masunde, ukutandika sile uku macaca, suka lino ilanzi lyafika umutwe apakasi. Na yonsi ale yali cele nu kuvwikisya sana.

Yelemiya 19:13

Amang'anda amu Yelusalemu nga na mang'anda yakwe yamwene amu Yuda kumwi na mang'anda yonsi yano yakafutumwilamo ubani apa mapaala yao, apakuti yafutumukila mwiyulu mupela, umuli intanda nupya muno yapongolwela waini kuli tuleza tuze, yonsi kwene yalakoweziwa. Yalaya akowele wa musumba wa Tofeti.’ ”

Yelemiya 32:29

Nupya aina Babiloni, yano yakulwisya umusumba uu, yamaiza yawoce kumwi na mang'anda, yano yocelanga Baali ubani apa mapaala yao pakunsosya umwenzo, alino na pakutuulila tuleza tuze ivya wila ivili wa vyakumwa.

Malango 22:8

“Lino wakuula ing'anda, sininkizya ukuti wandila ningo ukulizizya ipaala. Lyene umwi ndi wapona api paala lilyo nga nu kufwa wafwa, ale wemo utalapeelwa umulandu.