Neemiya 5:12 - Amazwi Yakwe Leza 2013

¹² Apa kuuvwa vivyo, nayo yavwanga yati, “Mukwai tumayawezezya. Tulayawezezya ivyuma vyao ukwaula ukulifya inkongole zyao.” Fwandi nani, ali pakwama yasimapepo apakuti asambazi ni ntunguluzi zyao zilape apa manso yao nu kusunga umulapo uno yamalapa.

Neemiya 5:12 Iomraidhean Croise

Ezila 10:12

Alino lyene iuvi lyonsi lyasuuka capamwi nu kupunda iliti, “Umucumi, tulacita vino wavwanga.”

Ezila 10:5

Acino Ezila akatuka nga akonkomezya intunguluzi zyakwe yasimapepo, aina Levi kumwi na aina Izlaeli yonsi asyala kuti yacite ukulingana ni langulusi lyakwe Syekaniya. Lyene yonsi kwene yacita umulapo.

Neemiya 10:29

twailundanya ku asambazi itu nu mulapo, ukuti tukawe nalyo ndi twakana ukuyela Masunde yakwe Leza yonsi yano watupeezile ukupitila muli Mose umuomvi wakwe. Tumayelanga vyonsi vino Yawe, umwene witu watunena. Nupya tumayelanga ivipope ni vyeo vyakwe Yawe umwene witu.

Neemiya 10:30

Swemo twalaya ukuti tutalatwalizya ana itu ku inamasi aikala mu mpanga ukutuzinguluka, nupya tutalazumilizya ana itu aonsi kuti yatwale ana ya inamasi.

Neemiya 10:31

Nupya ndi cakuti ainamasi yiza muno mpanga ni vyakuculuzya, vingaya ingano, ukwiza tukazya pa wanda wi Sabata, tutalezya tukale pa wanda uo nanti apa wanda uze uwamuzilo. Cila mwaka wakwe cinimbali vyalo vitu vilalaaluka, nupya tulafuta inkongole zyonsi.

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

Neemiya 5:11

Yawe zezini ukwaula nu kusumba insita. Vyonsi pyu! Ivyalo vyao, ni vyalo vyao vya matingi, imiolivi, na mang'anda yao kwene. Yawe zezini inkongole zya mpiya zino yazime kuno muli!”

Mateo 26:63

Lelo Yesu aya cele. Alino Simapepo Mukulu amunena ati, “Nakunena, Lapa pa manso yakwe Leza umumi, utunene ndi wewe uli Katuula uwalavilwe, Mwana wakwe Leza.”

Luka 19:8

Zakeyo nawe aimilila anena Mwene ati, “Mwene, uvwa! Ndapela citika wa vyuma vyane ku apina. Nupya ndi natala nacenjezya umwi cili consi, ndamuwezezya maila yani kulingana ni cintu cico.”