Neemiya 13:11 - Amazwi Yakwe Leza 2013

¹¹ Caleka inkalipila intunguluzi zizi inti, “Pacani cino mwatazyela Ng'anda ikulu yakwe Leza mu musango uu?” Lyene nkonganika antu yalya nu kuyaswilizya pa milimo yao.

Neemiya 13:11 Iomraidhean Croise

Neemiya 10:39

Aina Izlaeli na amu nko zya ina Levi yakapeela ingano, waini mupya na mafuta ya miolivi ku miputule yakusungilamo iviya umu ncende yamuzilo, nu kukaikala yasimapepo akatumikila, pamwi na yakalinda yapa mpongolo ya Ng'anda ikulu yakwe Leza pamwi na yakiimba ya nyimbo. Swemo tutalatazyela ng'anda yakwe Leza witu.

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

Neemiya 13:17

Papo kwene nkalipila intunguluzi zya Ayuda nga nzyuzya inti, “Silolini lukota luu luno mukucita! Pacani cino mukukowezya Sabata?

Mapinda 28:4

Wiyo akatazyela amasunde waya uku lusansa lwa antu aipe. Lelo wiyo akalondela amasunde akayakanya.

Yobo 31:34

Nsiuvwilila ivya kunzi vino antu yakulandalanda. Nanti ukulondelela amazwi ya misula ukufuma ku akazi. Nkuposiwa ukusula nu kwikala cele, icakuti inkuposiwa nu kufumila apanzi.

1 Samueli 2:17

Uyi uu uwa alumendo wali ukulu wakwe cimwi pa manso yakwe Yawe, pano yatacindike uwila uwapeelwa kuli Yawe.