Mpendwa 4:12 - Amazwi Yakwe Leza 2013

¹² Yalinzile kutoola iviya vyonsi vyakuomvya mu Ncende Yamuzilo nu kuvifupilizya ningo mu nsalu ya cifungo, ino nupya yalinzile yafupa mu mpapa zinyukwe ningo, nga yavike pa cintamba.

Mpendwa 4:12 Iomraidhean Croise

1 Milandu 9:28

Yamwi muli yao yapilwe umulimo wakusunga iviya vyakuomvya mu Ng'anda ikulu yakwe Yawe. Lyonsi kwene yavipendanga pakuviwezya na pakuvisenda kwene.

1 Milandu 9:29

Yauze yapilwe umulimo wa kusunga iviombelo vyuze vyamuzilo, yamwi usu utonyoleke, yamwi waini, yamwi amafuta ya miolivi, yamwi ubani, nga nayauze ivintu vyakununkizya vyakulya.

2 Milandu 4:11

Hulamu wapanzile ni ntendo, yafosyolo, ni ngeso zyakukanyizizya. Acino wene wamalilile imilimo yonsi ino umwene Solomoni wamunenyile ukuomba mu Ng'anda ikulu yakwe Yawe.

2 Milandu 4:16

Alino nu kupanga inyungu, yafosyolo na yafoloko. Fwandi Hulamu Abi wacenjile sana mu vyakupangapanga. Wene uwapanzile iviya vyonsi vyamutengo vyakwe zaabu nu mukuwa utuputupu, mu musango kwene uno Solomoni wamunenyile kuti avino aombe.

2 Milandu 4:19

Umwene Solomoni wapanzile iviya ivyakuomvya mu Ng'anda ikulu yakwe Yawe vyakwe zaabu ivili wakwe vii: kavuwa kakwe zaabu, amatebulo yano yatantamikilanga penepo umukate uwapeelwa kuli Leza.

2 Milandu 4:22

Ivyakuzimizya inyali, imbale zya kukanyizya, ivifutikilo, amalata yakusendela amalasya. Vyonsi vivyo vyapanzilwe na zaabu musuma cuze. Imilyango ya kunzi iya Ng'anda ikulu yakwe Yawe pamwi ni vyamu muputule ukalamba uwamu Ncende Yamuzilo kuluta vyapanzilwe na zaabu.

Kufuma 25:5

Mikwela yakwe yasuuku ino yaombeka mu viyenzu, mikwela inyuke, imbao zya muti wa akasya,

Kufuma 25:9

Ulipange mu mwata ndi uno namakulangilila, kumwi ni mipangile ya viya vyonsi vya mwi taalu.”

Kufuma 31:10

vyakuzwala vipikulwe, nga ni vyakuzwala vyamuzilo vyakwe simapepo Aaloni alino ni vyakuzwala vya ana yakwe aonsi vino yalinzile kuzwala pa kuomba imilimo ya usimapepo,

Mpendwa 3:8

Yalinzile yawaka ni viya vyonsi vya mwi Taalu lya Ukongano nu kutumikila aina Izlaeli yonsi asyala.

Mpendwa 4:11

Pa kavuwa kakwe Zaabu, napo yali nu kuvimbapo insalu ya cifungo, ino nupya yalinzile yafupa mu mpapa zinyukwe ningo nu kusomekamo mipingilo.

Mpendwa 4:13

Yalinzile kuzyola nu kusisya itwi pa kavuwa ka mukuwa, alino yanzepo insalu yi langi liyenzulukile.

Mpendwa 4:6

Alino lyene yangavimbapo impapa inyuke ningo nu kuvimba papela insalu ya cifungo. Alino nu kwika mipingilo ningo iyakusendela mbokosi.

Mpendwa 4:7

Api tebulo lya mukate uwapeelwa kuli Yawe yalinzile kwanzikapo insalu ya cifungo nga nu kutendekelapo imbale, imbakuli ni ngeso, nga ni misazi ya mawila ya vyakumwa. Api tebulo lyonsi palinzile paya imikate yakwimula kuli Yawe.

Mpendwa 4:9

Yalinzile yatoola insalu ya cifungo nu kufupilizya icakuteekapo ilampi, pali pamwi ni vyakulukusizyako itwi, utambi, musazi wa mafuta kumwi ni viombelo vyonsi vikumile ku ncito yamusango ndi uwo.