Mpendwa 32:3 - Amazwi Yakwe Leza 2013

³ “Umuputule uu uwa mpanga ino Yawe wataazwilizya aina Izlaeli ukwingila mwenemo, imisumba ya Ataloti, Diboni, Yazeli, Nimula, Hesyiboni, Eleale, Sibamu, Nebo, nga na Beoni,

Mpendwa 32:3 Iomraidhean Croise

Neemiya 9:22

“Wayapile impanga nyanya pamwi na antu kwene. Yacimvyanga imitundu yonsi iya palamile uku mpanga ino wayapile. Yapokolwile Hesyiboni, impanga ino Siooni wateekanga, ni mpanga yakwe Basyani, umwateekanga Ogi.

Ezaya 15:6

Amanzi aku Nimulimu yatiyakama. Isote lyatilyuma, nu mulemvwe watiulokota. Kutasile icintu nanti cimwi iciisi.

Yelemiya 48:1

Pamulandu wa ina Moabu Yawe Wamaka yonsi, Leza wa ina Izlaeli, walanda wati, “Kalanda ku musumba wa Nebo, wasanguka ulwanga. Kilyataimu yalamupupanya nu kumupoka. Ilinga lyauko lyamaka yalalipupanya nu kulitamola.

Yelemiya 48:2

Moabu yatalamulumbanya nupya. Umu Hesyiboni ali muno yakupangila ukuwisya umusumba wa Moabu. Yakuti, ‘Izini kuno, lekini tulovye uluko lulu.’ Namwe kwene, mwemuno mwikala mu Madimeni, yalamulenga ukuya cele. Ivita vilamuzinganya ku lupanga.

Yelemiya 48:32

Nkukulilila ulanda ukuluta na pali Yazeli. Iye mwe, mwe matingi aku Sibima, mwemuno insala zinu zyasapalala ukufika nu ku mbalama yakwe Yemba wa Musilya, mpaka ukufika nu ku Yazeli kwene. Lyene umononyi watafika, wawililila na pa matingi yako ace nga na pa uzombozi wako uze uno wazombola.

Yelemiya 48:34

“Aina Hesyiboni na ina Eleale yakulayeela impooma. Ukulayeela kwao kukuvwika mpaka nu ku Yaazi, ukutandikila sile ku Zoali mpaka nu ku Holonaimu nu ku Egilati Syelisyiya. Pano na manzi kwene aku Nimulimu yatiyakama.

Yelemiya 48:45

Imbutusi azizyo zimilila mu cisao ca Hesyiboni nupya zyatizitonta, pano umoto watiufuma mu Hesyiboni, icimbilimbili caticifuma pakasi kakwe Siooni. Umoto watioca amausyu ya ina Moabu, nu tupanga twakwe yakawawata ya lwete.

Ezekelo 25:9

cisuma nani fwandi ndaleka imisumba ikalinda yanande ya ina Moabu ikazanzwe, ukwikapo nu musumba wao uzipisye uwa Beti Yesyimoti, nu wa Baali Meoni nu wa Kilyataimu nayo kwene ikazanzilwe kumwi.

Mpendwa 21:28

Ukufuma mu musumba ukalamba uwa Hesyiboni, ivita vyakwe Siooni vyafumile wa moto ivyonona umusumba wa Ali uwaku Moabu nu kumalila intonje yonsi iya papela yakwe Alinoni.

Mpendwa 21:30

Lelo ndakai amu mupanda wao yononeka. Nzila yonsi ukufuma ku Hesyiboni mpaka kufika ku Diboni, mpaka kufika ku Nofa, pipi nu ku Medeba.”

Mpendwa 21:32

nga Mose atuma aonsi akuyanengula nu kulola inzila ingazipisya ukuya zanza umusumba ukalamba uwa Yazeli. Alino aina Izlaeli iyaya yaupoka kumwi ni misumba inono izingulwike yakweo, nga yazingila aina Amoli ukunzi, yao aikalanga mwenemo.

Mpendwa 32:1

Amu mutundu wakwe Lubeni na wakwe Gadi yakweti iviteekwa ivivule cuze, ing'ombe ni mfwele. Lyene ilola ukuti impanga zya ina Yazeli na ina Gileadi iziyalinga ukucemelako iviteekwa ivikalamba.

Mpendwa 32:2

Acino yaile kuli Mose na Eleaza simapepo nu ku ntunguluzi zyuze zi uvi, iyayanena yati,

Yoswa 13:17

Nu ku ncende iya Hesyiboni ni misumba yonsi yakweyo iyaya pa tumpuke nupya apatambalale wakwe ii: Diboni, Bamoti Baali, Beti Baali Meoni,

Yoswa 13:19

Kilyataimu, Sibima, Zeleti Syaali uwaya pa mwamba mu cifoloma,

Yoswa 21:39

Hesyiboni nga nu wa Yazeli, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

Yakapingula 11:26

Pa myaka imyanda amakumi yatatu aina Izlaeli yatenzi mu Hesyiboni, nu mu Aloeli ni mizi yakweo, nga nu mu misumba yonsi pipi nu ku Alinoni. Uzye lyene pacani cino mutaposile incende zizi lilya kwene?