Mpendwa 18:5 - Amazwi Yakwe Leza 2013

⁵ Wewe pamwi na ana yako muli nu kuwaka Ncende Yamuzilo pamwi na kavuwa. Lyene ukali wakwe Yawe utalatala upone pa ina Izlaeli.

Mpendwa 18:5 Iomraidhean Croise

1 Milandu 23:24

Yakwene yali amu mupanda wakwe Levi ukulingana ni ntunguluzi zya mitundu ya nko zyao, ndi muno yalembilwe. Cila wenga mu amu mupanda wao wapilwe umulimo wakuomba mu Ng'anda ikulu yakwe Yawe.

1 Milandu 23:32

Avili vino aina Levi yaombanga imilimo yao umwi Taalu lya Ukongano, nu mu Ncende Yamuzilo, nga nu kwazwilizya akazi kao, amu mupanda wakwe Levi mu Ng'anda ikulu yakwe Yawe.”

1 Milandu 24:5

Yayasolola ukupitila mu kupendola, pasi pano yene yali aomvi ya Ng'anda Ikulu yakwe Yawe nupya intunguluzi zya mapepo zyamu mupanda wakwe Eleaza ni zyamu mupanda wakwe Itamali.

1 Milandu 9:19

Syalumu umwana umonsi wakwe Kole, umwana umonsi wakwe Ebiyasafu, umwana umonsi wakwe Kola, kumwi na yakalinda yapa mpongolo ukufuma mu luko lwakwe, yapilwe umulimo wa kulinda pa mpongolo nga na pa wingililo wi Taalu lya Ukongano, ndi vino ivikolwe vyao vyalindanga pa wingililo wa Ng'anda ikulu yakwe Yawe.

1 Milandu 9:23

Yene pali pamwi na amu mupanda wakwe yatwalilile ukulinda impongolo zya Ng'anda ikulu yakwe Yawe.

1 Milandu 9:33

Yamwi aina Levi yali nu mulimo wa kwimba inyimbo. Akalamba ya ndupwa zizyo yikalanga mu miputule imwi imwi yamu Ng'anda ikulu yakwe Yawe, nupya yataombanga imilimo yuze pano yene yali apintoke usiku nu musanya.

Kufuma 27:21

Aaloni na ana yakwe aonsi yakakozya ilampi kunzi ya nsalu icinge ino yapaatula Cifulo Camuzilo ni Cifulo Camuzilo ukuluta kuno kukaikala Mbokosi ya Upangano. Lyene ilampi mwi Taalu lya Ukongano likaaka pa manso yane kutandika manguzi mpaka kufika katondo. Aina Izlaeli nga na amu mupanda wao yalinzile yasunge ilamulo lii amanda pe.”

Yelemiya 23:15

Caleka Yawe Wamaka yonsi wavwanga pamulandu wakwe yakasema amu Yelusalemu wati, “Ndayapeela umusalu ulule kuti yalye nga nu mwavi kuti yamwe, pamulandu wakuti ukufuma kuli yakasema yaya amu Yelusalemu ivicitwa viipe vyativisansantikila mu mpanga yonsi.”

Ezekelo 44:15

Lelo yasimapepo mu ina Levi, ana yakwe Zadoki, yano yaombanga umulimo wane mu Ng'anda yane ikulu, lino aina Izlaeli yamfutatile nu kuntaluka ukutali, ali yano yali nu kumpalamila pa kuntumikila. Yamaimililanga pa cinso cane nu kuntuula amafuta nu wazi.

Ezekelo 44:16

Yene ali yano yamaingilanga mu Ng'anda yane ikulu nu kuomba umulimo wa pa kavuwa mu Ng'anda yane, nga nu kutungulula amapepo mu Ng'anda yane.

Aina Levi 10:6

Lyene Mose anena Aaloni na ana yakwe aonsi, Eleaza na Itamali ati, “Mutikala ni nyele zyaula kusakula nanti kulepula ivyakuzwala vinu, kulanga ukuti mukulosya. Ndi mwacita vivyo, mumafwa, nupya Yawe angasokela iuvi lyonsi lya ina Izlaeli. Lelo auzo aina Izlaeli yangalosya imfwa ii, iyalenzilwe nu moto uno Yawe watumile.

Aina Levi 24:3

Cila manguzi Aaloni alinzile kukozya ilampi pa manso yakwe Yawe, kunzi ya nsalu yakucingilila ku nkolelo ya Mbokosi ya Upangano ino yaya mu Ncende Yamuzilo ukuluta. Inyali zitalinzile kuzima mpaka kufika katondo. Ilamulo li, lili nu kusungwa ku nkulo zyonsi.

Zakaliya 10:3

Yawe wavwanga wati, “Nemo natinsokela akateeka antu yane, nupya nasya njavunuke. Ayuda ala antu yane ne mweneco, nene ne Yawe Wamaka yonsi ndayawaka. Yalaya wa mfwalasi zyane zyamaka zyakulwilapo inkondo.

Mpendwa 1:50

Mucifulo cakwe cico, yene muce muyapeele umulimo wa kuwaka Itaalu lya Ukongano pamwi ni viombelo vyonsi ivyayamo. Ali yano yali nu kulisenda kumwi ni viombelo ivyayamo, nga nu kutumika mwenemo, nu kukuula insakwe ukulizingulusya.

Mpendwa 1:53

Lelo aina Levi yali nu kusimpa mataalu yao ukuzinguluka Itaalu lya Ukongano kuti yalicingilila, pakuti ukali wakwe Yawe utafulumila aina Izlaeli.”

Mpendwa 16:46

Lyene Mose anena Aaloni ati, “Tola icifutikilo cako, uwikepo makala ya moto, nga usumbile ubani umwi penepo, nga ucincile uye ku antu nu kuyacitila ulutambi lwa kufuta amaifyo yao. Cincila! Ukali wakwe Yawe nga ni mpungo, vyativitandika mpiti.”

Mpendwa 18:4

Yali nu kuya pamwi nawe mu kusunga Itaalu lya Ukongano nu mulimo uli onsi uwa mwi Taalu. Umuntu wasilesile atange apalame aombe pamwi namwe.

Mpendwa 4:18

“Mutakaleke uluko lwakwe Koati lukapaatuluke ku ina Levi.

Mpendwa 8:19

Nayapaatula ku ina Izlaeli nu kuyapela uwila kuli Aaloni na ana yakwe, pakuti yaomba umulimo mwi Taalu lya Ukongano uno ukumile aina Izlaeli, nga na kuti yacitile aina Izlaeli ulutambi lwa kufuta amaifyo pa maifyo yao nu kulesyanya uzanzo uli onsi kuti utayaponela ndi cakuti yapalama pipi ni Ncende Yamuzilo.”

Mpendwa 8:2

“Nena Aaloni ukuti lino umakozya inyali cinimbali, zili nu kwaka pankolelo ya cakutekapo inyali.”

1 Timoti 1:18

We Timoti, uli wa mwana kunondi. Ilamulo lino nkukupeela limikwa pa mazwi ya usemo yano mpiti yavwanzilwe pamulandu wako. Omvya mazwi yaa wa vyanzo kuti ulwe ningo,

1 Timoti 3:15

Lelo ndi cakuti ningacelwa kwiza, ale mazwi amuli kalata wii yalakumanyisya vino micitile itu mwi uvi ilinzile kuya. Antu amu ng'anda yakwe Leza lili uvi lyakwe Leza wa umi kwene, nupya yene yakoline wa lupanda mu kutungilila iuvi.

1 Timoti 5:21

Pa manso yakwe Leza na Klistu Yesu, nga na angeli yamuzilo nkukonkomezya wewe kuti uyele vyonsi vino nakutungulula kwaula kuya ni vikanza nanti kuwila kuli umwi muli vyonsi vino ukucita.

1 Timoti 6:20

We Timoti usunge ningo vintu vino walasikwa. Utakumako ku mazwi a cilandelande nga ni vikanza vyakutumpa vino antu yamwi mukuluvyanya kwao yakati, “Ukumanya.”