Mpendwa 15:9 - Amazwi Yakwe Leza 2013

⁹ ale pali kacipambasi kako uli nu kulunda penepo icitundu ca usu utonyoleke ca wila wa cakulya ukulingana na makilogalamu yatatu uno yangatikinkanya na mafuta ya miolivi ukulingana na citika wakwe lita.

Mpendwa 15:9 Iomraidhean Croise

1 Milandu 21:23

Alauna anena Davidi ati, “Awe, wemo tola sile. Su musambazi nupya umwene wane ale acite icingamuzipila. Namakupeela yacipambasi akupeela uwila wakoca, ni milangu nayo yakuomvya wa nkwi, nga ni ngano zyakupeela uwila wa usu. Namakupeela vii vyonsi.”

Neemiya 10:33

Tukaapeela impiya zyakulondela ivintu vii: umukate wamuzilo, amawila ya mbezu, amawila yakoca, amawila yakupeela pa Sabata, amawila yaku ndoleko ya mwezi, na apa manda asontwe a vimulo vya kuzevya, ni vintu vyamuzilo, amawila yakwelela amaifyo ya ina Izlaeli, alino nu kupeela icili consi icingalondwa ku mulimo waku Ng'anda ikulu yakwe Leza.

Ezekelo 42:13

Alino umuntu wiyo anena ati, “Amang'anda yaa yaili, yaya amuzilo. Yasimapepo, akapalamila kuli Yawe, ali muno yakaliila impolelwa izitaicindamila. Pamulandu wakuti imiputule iyo yaya yamuzilo, fwandi ali muno yasimapepo yalasungila ivintu vicindamisye, ivili wa mawila ya ngano, ni mpolelwa izikatuulilwa pa kulipa amaifyo, napa viipe.

Ezekelo 46:11

Apa manda ya uzevyo na pa manda makulu yonsi asontwe, uwila wa vilyo, uli nu kuya icipimo ukulingana ni itepe lyonga, ali wakulundapo pali kacipambasi ka ng'ombe na pali kasuuku konga. Lelo apa kaana ka mfwele konga, pene intunguluzi ingalunda penepo icipimo ca usu pano umweneco atemilwe. Alino api tepe lyonga ilya usu pali nu kulundwapo imisazi ya mafuta ya miolivi itatu.

Ezekelo 46:15

Akana ka mfwele, nu usu, na mafuta ya miolivi, vili nu kutuulwa cila katondo kuli ne Yawe.”

Ezekelo 46:5

Alino alinzile alundepo itepe lyonga lya wila uwo papali suuku nu twana twa mfwele mutanda napo angalundapo icipimo ca usu pano atemilwe. Alundepo api tepe lyonga ilya usu, amafuta ya miolivi imisazi itatu.

Ezekelo 46:7

Pali kacipambasi ka ng'ombe konga na patwana twa mfwele mutanda, na pali suuku wiya wenga, intunguluzi ili nu kulunda penepo itepe lyonga ilya uusu. Lelo apa twana twa mfwele mutanda, pene angalundapo icipimo ca usu pano atemilwe. Nupya api tepe lyonga ilya uusu, ali nu kulunda penepo amafuta ya miolivi ukulingana ni misazi itatu.

Yowelo 1:9

Ivyamawila vyonsi ivyakumwa ni vyakulya vitangapeelwa lyene ku Ng'anda ikulu yakwe Yawe Yasimapepo yakulosya, aomvi yakwe yonsi yakulosya.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Aina Levi 14:10

Pa wanda uwalenga cinani alinzile ukuleta yasuuku yaili ni mfwele yakaci yonga, yamwaka onga, vyonsi vii vyaula ulema. Nupya alinzile ukuleta makilogalamu yatatu a usu utikinkanye na mafuta ya miolivi kuti uye uwila wa cakulya, nga ni ciputulwa conga pa viputulwa vitatu vyakwe lita wa mafuta ya miolivi.

Aina Levi 6:14

Ilamulo lya wila wa cakulya aili. Ana yakwe Aaloni yalinzile yatwala uwila uwo pa manso yakwe Yawe ku nkolelo ya kavuwa.

Aina Levi 7:37

Yakwene yaa, ali malamulo ya wila wakoca, uwila wa cakulya, uwila wa kwelela amaifyo, uwila wa cizumila mulandu, uwila wa kuteeka yasimapepo pa vilimba, alino nu wila wa utandano.

Mpendwa 15:10

Alino uwikepo citika wakwe lita wenga wakwe waini wa wila wa vyakumwa. Vilinzile vyaya amawila akocela Yawe, amununko usuma ukazanzya Yawe.

Mpendwa 15:8

Nga wapeela kuli Yawe kacipambasi ka wila wakoca nanti uwa kufikilizya ulayo, nanti sile uwila wa utandano,

Mpendwa 28:12

Papela yakwe cila cipambasi, muce mwalunda penepo amakilogalamu yatatu ya wila wa cakulya uwa usu utonyoleke utikinkanye na mafuta ya miolivi. Na papela yakwe cila mfwele, suuku, muce mwalunda penepo amakilogalamu yaili ya wila wa cakulya uwa usu utonyoleke utikinkanye na mafuta ya miolivi.

Mpendwa 28:14

Papela yakwe cila cipambasi, muce mwalunda penepo uwila wa vyakumwa ukulingana icipimo ca malita yasano, pali suuku nawe amalita yatatu, alino pali cila kana ka mfwele napo amalita yaili. Fwandi uwo nayo uli wila wakwe cila mwezi uwakoca nu kupeela pali cila ndoleko ya mwezi mu mwaka.

Mpendwa 29:6

Vii, ali vyakulunda pa wila wakoca uno yakupeela cila wanda pa wanda wakutandika wa cila mwezi ukulunda penepo pa wila wa cakulya nga nu wila wa vyakumwa. Yene amawila akocela Yawe, amununko usuma ukazanzya Yawe.

1 Samueli 1:24

Pacisila lino umwana wilya walumwike, Hana amusenda, nga asenda na cipambasi uwa myaka itatu, nu usu wa ngano ukulingana na makilogalamu ikumi lyonga na waini, nga amuleta ku ng'anda yakwe Yawe ku Syilo.