Mpendwa 12:2 - Amazwi Yakwe Leza 2013

² Ala yakuuzya yati, “Uzye Yawe wavwanzile sile kupitila muli Mose wenga? Uzye atavwangile kupitila na muli sweswe kwene?” Yawe nawe auvwa vivyo.

Mpendwa 12:2 Iomraidhean Croise

Utandiko 29:33

Leya asenda indilwa nayuze avyala umwana umonsi namuze. Alino avwanga ati, “Yawe wampeela umwana umonsi pano wamanya vino ntatemwikwa. Acino atemela umwana izina ati a Simeoni.”

2 Samueli 11:27

Indosya lino yasila, Davidi atuma akuti yace yaye yakamutoole yamulete ukwi sano ukwakwe. Alino amutola aya umuci wakwe, nga nawe amuvyalila umwana umonsi. Lelo kwene Yawe atatemilwe icintu cino Davidi wacisile.

2 Yamwene 19:4

Umwene waku Asilya watatuma umukalamba wa vita ku kwiza tukananga intusi kuli Yawe Leza waumi. Fwandi Yawe Leza wako anguvwa intusi zizya apakuti apezye antu yaya yakatukana. Wemo lenganga sile Yawe apakuti angapususya antu itu yano yasyala penepo.”

Kufuma 4:14

Lino Yawe uvwa kuvwanga kwakwe Mose, asoka nga avwanga ati, “Uzye fwandi ukwelenganya uli pa munyonko Aloni, Mwinalevi? Manyile ukuti wene angavwanga ningo. Endi, wene ali munzila akwiza ndakai ku kukukomenkanya, nga alazanga wakwe cimwi pa kukulola.

Kufuma 4:30

Aaloni nawe anena intunguluzi zizi vyonsi vino Yawe wanenyile Mose. Lyene Mose nawe acita vizungusyo vivi vyonsi pa manso ya antu.

Kufuma 5:1

Pacisila ca vintu vii, Mose na Aaloni yaya kwi sano kuli Falao nga yamunena yati, “Yawe, Leza wa ina Izlaeli, watavwanga ati, ‘Ta antu yane yapita, pakuti yangaya yakacite uzevyo wa cimulo ca kuncindika mu lwanga.’ ”

Kufuma 7:10

Caleka Mose na Aaloni yaya kuli Falao wilya yaya yacita wakwe vino Yawe wayapile ilamulo. Aaloni asumba intuwa yakwe pansi ku nkolelo yakwe Falao na yacilolo yakwe, nga lilyo kwene intuwa isanguka iya inzoka.

Mapinda 13:10

Icilumba cakwe yayo asisakamala ivya yauze cikakatusya ulwete, lelo wiyo akauvwila malango ku antu yauze yakacefya icongo.

Ezaya 37:4

Umwene mukalamba wa ina Asilya walatumile umukalamba wa vita vyakwe apakuti aize atukole Yawe Leza waumi. Umwene Leza wenga ale auvwe intusi zizi pakuti angalyotola antu yaya yano yali yakutukana. Wemo ungala upapatile sile kuli Yawe, antu yako yano yasyalapo apakuti yace yapusuke.”

Mika 6:4

Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Mpendwa 11:1

Awe antu iyatandika kuilizyanya pa ntazi zyao. Lino Yawe uvwa vino yakuilizyanya, asoka cuze nga atuma umoto iuyaponela nga woca nu lutwe lumwi ulwa nsakwe.

Mpendwa 11:29

Lelo Mose amwaasuka ati, “Si uvwa uzuwa pali nene? Si cange cizipe ndi antu yonsi yakwe Yawe yaya yakasema, yapeelwa nu mupasi wakwe!”

Mpendwa 12:3

Lelo kwene Mose wali umuntu umwi mufuke cuze ukuluta antu yonsi amuno nsi.

Mpendwa 16:3

Awe mukwai yonsi yao iyakonganila Mose na Aaloni iyayanena yati, “Awe lyene cafula! Antu yaa yonsi akwe Yawe, nupya Yawe ali naswe kwene swensi. Uzye lyene pacani cino wemo Mose ukuyuvwa nu kuika papeela ukucila umuntu wensi umwi uvi lii?”

Loma 12:10

Mwatemwana cuze ndi vino aina Klistu yalinzile kutemwana, nupya mwacindikana.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Filipi 2:14

Mwacita vyonsi kwaula kuilizyanya nanti vikanza,

Filipi 2:3

Mutacita cimwi mukuitemwa nanti mu cilumba, lelo muicefye nu kulola auzo ukuya acindame kuluta mwemwe.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”