Mpendwa 10:12 - Amazwi Yakwe Leza 2013

¹² Lyene aina Izlaeli ali pa kutenuka yafuma mu Lwanga lwa Sinai iyazeuluka ku cifulo ni cifulo, suka lino ikumbi lyaya limilila mu Lwanga lwa Palani.

Mpendwa 10:12 Iomraidhean Croise

Utandiko 14:6

na ina Holi mu myamba ya Seili ukufika nu ku Eli Palani, ku mpela ya lwanga.

Utandiko 21:21

Nyina amulondela umwanaci wakutwala ukufuma ku Eguputo.

1 Yamwene 11:18

Lyene iyatenuka mu Midyani nga yaya ku Palani, nga yasenda aonsi yamwi kuku ku Palani, alino yaya ku Eguputo, ku mwene Falao. Falao apeela Hadadi na antu yakwe amang'anda ni mpanga ni vyakulya.

Kufuma 13:20

Aina Izlaeli iyafuma ku Sukoti nga iyaya yakuula insakwe ku Etamu mu mbali ya lwanga.

Habakuku 3:3

Leza umwisikulu ali nu kwiza iila lyakwe ciili ukufuma ku Edomu. Leza wamuzilo ali nu kwiza ukufuma ku myamba yamu mpanga ya Palani. Ucindami wakwe wakupa iyulu, ni nsi izilemo ululumbi lwakwe.

Mpendwa 1:1

Pa wanda wakutandika uwa mwezi wakwe ciili, mu mwaka wakwe ciili pacisila lino aina Izlaeli yafumile mu Eguputo, Yawe wavwanzile kuli Mose mu Lwanga lwa Sinai ala ali mwi Taalu lya Ukongano, ati,

Mpendwa 10:33

Lyene lino antu yatenuka, yasya Mwamba wa Sinai, yapita ulendo wa manda yatatu. Pa manda yonsi yaa yatatu ala Mbokosi ya Upangano yakwe Yawe ikuyakolelela kuti yayalondele incende pakuti yangakuula insakwe.

Mpendwa 12:16

Pacisila cakwe vivyo, alino antu iyafuma ku Hazeloti iyaya yakuula insakwe zyao mu Lwanga lwa Palani.

Mpendwa 13:26

Yiza yazana Mose na Aaloni pamwi na ina Izlaeli yonsi pa Kadesyi mu Lwanga lwa Palani. Kuku kwene yayalondolwela vyonsi vino yaile yalola nga iyayalanga ni viseekwa vya mpanga ilya.

Mpendwa 13:3

Acino api lamulo lyakwe Yawe, Mose nawe ali pa kuyatuma kutandikila sile ku Lwanga lwa Palani. Yonsi yali intunguluzi zya ina Izlaeli.

Mpendwa 2:34

Acino aina Izlaeli yacitanga consi cino Yawe wapeezile ilamulo kuli Mose ukucita. Ali vino yakuulanga insakwe zyao ukwayelile inzipa yao na cila muntu kutenuka muyelile umutundu wakwe nupya nu mu luko lwakwe.

Mpendwa 9:1

Umu mwezi wakutandika, uwa mwaka wakwe ciili pano aina Izlaeli yafumile mu mpanga ya Eguputo, Yawe wavwanzile kuli Mose mu Lwanga lwa Sinai, amunena ati,

Mpendwa 9:17

Lyonsi lino ikumbi ndi lyakatuka, aina Izlaeli iyatenuka, nga pano lyaya limilila apapela ya cifulo apano nayo iyakuula insakwe zyao.

Mpendwa 9:5

nga pa wanda uwalenga yani mu mwezi wakutandika, lino ilanzi lyatemba, nayo yacita vivyo kwene mu Lwanga lwa Sinai. Ali vino aina Izlaeli yacisile vyonsi wakwe vino Yawe wapeezile ilamulo kuli Mose.

Malango 1:1

Mu lupapulo luu muli amazwi yano Mose wavwanzile ku ina Izlaeli yonsi lino yali mu lwanga lwaku ufumondaka wa Luzi lwa Yodani. Yene yali mu cifoloma ca Yodani, pipi nu ku Sufi pakasi ka musumba wa Palani ku mbali yonga nga ni misumba ya Tofeli, Labani, Hezeloti, na Dizaabu ku mbali yuze.

Malango 1:19

“Lyene wakwe vino Yawe watupeezile ilamulo kuti tucite, twafumile pa Mwamba wa Holebu nga tusalala ulwanga lulu lukulu ulwakofya itulungama ku mpanga ya myamba iya ina Amoli. Alino tufika ku Kadesyi Banea.

Malango 1:7

Pangululini insakwe zinu nga muye ku nkolelo. Yangini ku mpanga ya myamba iya ina Amoli nga nu ku ncende zyonsi izizingulwike lwaku Cifoloma ca Yodani, ku mpanga ya myamba nu ku mpanga zitambalale, lwaku kaeya, nga nu ku nkumba yakwe Yemba wa Adiliya. Yangini ku mpanga ya Kenani mupitilile kucila pa Myamba ya Lebanoni mufike nu ku luzi lukulu lwa Yufulate.

Malango 33:2

Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

1 Samueli 25:1

Samueli afwa, nga aina Izlaeli yonsi iyakongana ku kumulosya. Yamuzisile apakwe kwene ku Lama. Alino Davidi atentemukila ku lwanga lwa Maoni. Pacisila cakwe vii, Davidi atentemukila ku Lwanga lwa Palani.