Milimo 8:2 - Amazwi Yakwe Leza 2013

² Antu yamwi aoopanga Leza yazika Sitivini, yamulosya cuze.

Milimo 8:2 Iomraidhean Croise

Utandiko 23:2

Wafwilile ku Kilyati Aliba (kuli kuti Hebuloni) mu mpanga ya Kenani. Lyene Abulaamu aingila mu ndosya nu kulila impoma.

Utandiko 50:9

Aonsi ali mu maceleta na onsi akwezile pa mfwalasi yonsi iyapita nawe. Lyali iumba likulu cuze.

2 Samueli 3:31

Davidi pali pakunena Yoabu na antu yakwe yonsi ukulepola ivyakuzwala vyao nu kuzwala amasaka pa kulosya Abineli. Alino pa ndosya kwene iyo, umwene Davidi umwisikulu walondelanga pacisila ca cala.

2 Milandu 32:33

Lyene Hezekiya afwa, nga yamuzika mu nzisi ya amu mupanda wakwe Davidi. Na lino wafwile Ayuda yonsi na ikazi amu Yelusalemu, yamulosizye wakwe cimwi nu kumucindika. Alino Manase umwana wakwe umonsi amupyana pa cilimba ca wene.

2 Milandu 35:25

Kasema Yelemiya wasisile ulwimbo lwa ndosya ulwakulosezya Yosiya. Lulo luno yakiimba ya nyimbo aonsi na anaci yakaimba ukufika uwanda wilelo umu mpoma zyao umu kulosya Yosiya. Uo uli mwata wa ina Izlaeli, nu lwimbo lulo lukazanwa umu lupapulo lwa ndosya.

Yelemiya 22:10

Mwe antu amu Yuda mutalilila umwene Yoaazi. Mutalilila imfwa yakwe. Lelo lililini Yoaazi, wino yakusenda ku uzya, pamulandu wakuti wene atalatala awele, nu kwiza lola impanga muno wavyalilwe.

Yelemiya 22:18

Caleka Yawe wavwanga apamulandu wakwe Yosiya umwana umonsi wakwe Yeoyakimu, umwene waku Yuda, ati, “Kusi nanti umwi alamulosya, ‘Silolini vino caipa wakwe cimwi mwe yacuza yane!’ Kusi nanti umwi alamulila ati, ‘Mwene wane! Musambazi wane!’

Mpendwa 20:29

Lino iuvi lyonsi lyalola ukuti icacumi Aaloni watafwa, aina Izlaeli yonsi iyamulosya pa manda amakumi yatatu.

Mako 6:29

Lino alondezi yakwe Yoane yuvwa, iiza yasenda icala cakwe yaya yazika.

Luka 2:25

Ku Yelusalemu kwali umuntu wi zina lyakwe Simeoni. Wiyo wali umololoke nupya wayelanga Leza. Wene walolelanga insita ino Leza angatuula aina Izlaeli, nu Mupasi Wamuzilo wali panoli.

Milimo 10:2

Wene wali umuntu uwacindike Leza. Konelio pamwi na amu ng'anda yakwe yoopanga Leza. Wene wazwilizyanga Ayuda pakulu cuze, nupya wapepanga Leza lyonsi.

Milimo 2:5

Mu Yelusalemu mwali Ayuda, yakapepa acindike Leza, yao afumile ku mpanga zyonsi zya muno nsi.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Milimo 8:3

Lelo Saulo aezya ukonona iuvi. Wayanga ing'anda ni ng'anda, ala akulema yano ataila, aonsi na anaci, akuyaleta kuti yayayalile mu ng'anda yaminyololo.

Malango 34:8

Aina Izlaeli yamulosizye amanda amakumi yatatu mu manyika aku Moabu.

1 Samueli 28:3

Pa nsita ilya walanga Samueli wafwa, na ina Izlaeli yonsi yamulosizye nga iyamuzika umu Lama, umusumba wa kumwao. Saulo wazinzile yancimya na yakasapoola yonsi umu mpanga ya Izlaeli.