Milimo 5:3 - Amazwi Yakwe Leza 2013

³ Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?

Milimo 5:3 Iomraidhean Croise

Yobo 22:13

Fwandi cico kwene cino wikala apatali, acino wemo ukuvwangila uti, ‘Pasi cino Leza angamanya. Wene wafisama umu makumbi, uzye angatupingula uli?

Mapinda 20:25

Uwatala uwelenganya ningo lino utacili ulaye ukupeela Leza uwila, pano limwi ungiza ulanguluke.

Kasambilizya 5:4

Acino ndi mwalaya kuli Leza, mulinzile kufikilizya zuwa. Pano Leza atatemwa antu viwelewele. Fikilizini vyonsi vino mwalaya ukucita.

Ezaya 29:15

Kalanda ku antu yano yakaezya ukufisa Yawe amapange yao! Vino yene yakapanga ukucita, yakavicitila umu umfisolo nu kwelenganya yakaelenganya ukuti kusi nanti wenga akuyalola nanti ukumanya vino yakucita.

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Oseya 11:12

Yawe akuti, “Aluko lwakwe Efulemu yanzinguluka nu ufi. Aina Izlaeli yakatumpoka wakwe cimwi. Aluko lwakwe Yuda nayo kwene yatiyamfutatila ne Leza, Wamuzilo wilya nupya uwacumi.”

Mpendwa 30:2

Ayanena ukuti umuntu ndi walaya kuli Yawe icilayo nanti walaya ukucita icintu cimwi, ale wene asi nu kusenuka nupya umwi zwi lino wavwanzile ku kanwa kakwe. Fwandi alinzile kufikilizya consi cino walavile ukucita.

Mateo 13:19

Yao akauvwa mazwi yano yakalanda vya pa Wene wakwe Leza kwaula kuyamanyikisya, yakoline wa mbezu izyaponile umu mbali ya nzila. Lelo mwanisi wakwe Leza aiiza afumya mazwi yano atewa mu myenzo yao.

Luka 22:3

Lyene Ciwa aingila muli Yuda, wino yamanga ukuti Iskalyoti, uwali uwamu alondezi ikumi na yaili.

Yoane 13:2

Lyene lino yatali yalye cakulya ca manguzi, Ciwa aingila mu mwenzo wakwe Yuda Iskalyoti, mwana wakwe Simoni, amutunka kuti akoope Yesu.

Yoane 13:27

Lilyo kwene lino Yuda walya mukate, Ciwa aingila munoli. Lyene Yesu amunena ati, “Kalauka kacite cino uli nu kucita!”

Milimo 5:2

Lelo wene pamwi nu muci wakwe, yapangana kupaatulapo impiya zimwi yatole, nga zyasyala yapeele atumwa.

Milimo 5:4

Lino utali ukazye calo, uzye citali icakwako? Na lino wakazizye calo, uzye impiya zitali zyakwako? Uzye pacani wasolola kucita cintu camusango uu? Utatumposile antu, lelo watutumpoka kuli Leza.”

Milimo 5:9

Caleka Petulo amuuzya ati, “Uzye pacani wemo nu wako mwati musolola kwezya Mupasi wa Mwene? Antu yano yafuma kukuzika uwako ndakai yali pa mulyango, nga nawe kwene yamakufumya yakusende!”

Malango 23:21

“Lino walaya kuli Yawe Leza wako, utakezye ukufutokela pa kucita cino walavile, pamulandu wakuti Yawe Leza wako alakupeelelapo umulandu pa ulayo wako nga nawe ulaya nu mulandu wa kwifya.

Yakobo 4:7

Caleka, mwayela Leza. Mwakanya Ciwa, nawe aluutuka kufuma kunomuli.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.