Milimo 1:9 - Amazwi Yakwe Leza 2013

⁹ Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.

Milimo 1:9 Iomraidhean Croise

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.

Kufuma 19:9

Lyene Yawe anena Mose ati, “Namaiza kunuli mwi kumbi linyome pakuti antu iize yayuvwile kuno nkulanda nawe, na pakuti lyene yakutaila amanda pe.” Lyene Mose anena Yawe vino antu yaasuka.

Kufuma 34:5

Lyene Yawe aika mwi kumbi, aimilila pipi na Mose alino alumbula zina lyakwe lyakuti Yawe.

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Luka 21:27

Alino Mwana wa Muntu alaloleka, akwiza mwi kumbi na maka akulu nu lulumbi.

Yoane 6:62

Uzye lyene cingaya uli ndi mwaweni Mwana wa Muntu akukwela kwiyulu, kuswilila kuno wafumile?

Milimo 1:11

yati, “Mwe antu amu Galile nga pacani muimi mukulola mwiyulu? Yesu wi uwasendwa kufuma kunomuli nu kuya kwiyulu, alawela mu musango uli umwi kwene uno mwamulolelamo akuya kwiyulu.”

Milimo 1:2

kufika na pa wanda uno Leza wamusenzile kwiyulu. Lino atali kuti asendwe kwiyulu, mu maka ya Mupasi Wamuzilo wasile wapela utunguluzi ku atumwa yano wasolwile.

1 Tesalonika 4:17

Lyene swemo, swe muno tulaya aumi pa nsita ilya, tulasendwa pamwi nao mwiyulu mupela mu makumbi ku kukomanya Mwene. Alino kufuma pa nsita ilya tulaya pamwi nu Mwene lyonsi pe.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Umbwilo 11:12

Alino yakasema yaili yuvwa izwi likulu kufuma mwiyulu liti, “Izini kuno kupeela!” Lino anisi yao yacili yakulolekesya, yene yakatuka yaya mwiyulu mwi kumbi.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.